ବାଲେଶ୍ଵର: ଖାଦ୍ୟ ଜନିତ ବିଷକ୍ରିୟା ଯୋଗୁଁ 30 ଅସୁସ୍ଥ । ସମସ୍ତ ଅସୁସ୍ଥଙ୍କୁ ମେଡିକାଲରେ ଭର୍ତ୍ତି କରାଯାଇଛି । ବାଲେଶ୍ଵର ଜିଲ୍ଲା ନୀଳଗିରି ଥାନା ଅନ୍ତର୍ଗତ ବେଗୁନିଆ ତୋଟାପଡ଼ା ଗ୍ରାମରେ ଏଭଳି ଘଟଣା ଘଟିଛି ।
ସୂଚନା ଅନୁସାରେ, ଏହି ସମସ୍ତେ ଶୁକ୍ରବାର ଏକ ସାଦଖିଆରେ ଯୋଗଦେଇ ଖାଦ୍ୟ ଖାଇଥିଲେ । ଏହାପରେ ପ୍ରଥମେ କିଛି ଲୋକଙ୍କୁ ଝାଡାବାନ୍ତି ହୋଇଥଲା । ପରେ ଗ୍ରାମର ପାଖାପାଖି 30 ଜଣ ଲୋକଙ୍କୁ ଝାଡାବାନ୍ତି ହେବାସହ ସେମାନେ ଅଚେତ ହୋଇଯାଇଥିଲେ । ଅସୁସ୍ଥଙ୍କ ମଧ୍ୟରେ ଅନେକ ଛୋଟପିଲା ଓ ବୃଦ୍ଧ ରହିଛନ୍ତି।
ସମସ୍ତ ଅସୁସ୍ଥଙ୍କୁ ନୀଳଗିରି ମେଡିକାଲରେ ଭର୍ତ୍ତି କରାଯାଇଛି । ଅସୁସ୍ଥମାନଙ୍କୁ ମେଡିକାଲ ଆଣିବା ପାଇଁ 3ଟି 108 ଆମ୍ବୁଲାନ୍ସ ଲାଗି ପଡ଼ିଥିଲେ । ତେବେ ସାଦଖିଆ ଭୋଜି ଖାଇବା ପରେ ଏମିତି ଅସୁସ୍ଥ ହୋଇଥିବା ଜଣାପଡ଼ିଛି । ତେବେ ନୀଳଗିରି ବିଧାୟକ ସୁକାନ୍ତ କୁମାର ନାୟକ ମେଡିକାଲରେ ପହଞ୍ଚି ଅସୁସ୍ଥଙ୍କୁ ଭେଟି ସେମାନଙ୍କ ସ୍ୱାସ୍ଥ୍ୟବସ୍ଥା କଥା ପଚାରି ବୁଝିଛନ୍ତି।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
