ବାଲେଶ୍ଵର: ବନ ବିଭାଗ ଦ୍ବାରା 3 ଶିକାରୀ ଗିରଫ ହୋଇଥିବା ବେଳେ 2ଟି ବନ୍ଧୁକ ଜବତ ହୋଇଛି । ବାଲେଶ୍ବର ଜିଲ୍ଲା ଔପଦା ବନବିଭାଗର ଏହି ଚଢାଉ କରି 3 ଶିକାରୀଙ୍କୁ ଗିରଫ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁଯାୟୀ, ରେଞ୍ଜର ବବିତା ସରେନଙ୍କ ନିର୍ଦ୍ଦେଶ କ୍ରମେ ବନ ବିଭାଗ ଶୁକ୍ରବାର ବିଳମ୍ବିତ ରାତିରେ କୁଳଡିହା ଅଭୟାରଣ୍ୟ ଅଞ୍ଚଳର ବାଘଆମ୍ପୁଡା ବିଟ ହାଉସର ଡାହିରେ ଚଢ଼ାଉ କରିଥିଲା । ଚଢ଼ାଉ ବେଳେ 2ଟି ଚୋରା ବନ୍ଧୁକ ବନବିଭାଗ ହାତରେ ଲାଗିଥିଲା ।
ସେପଟେ ଗିରଫ 3 ଶିକାରୀମାନେ ହେଲେ ଅଜୟ ନାଇକି, ବାଗୁନ ନାଇକି ଓ ସାଗର ସିଂ। ବନବିଭାଗ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
