ବାଲେଶ୍ବର: ଜିଲ୍ଲାର ଗର୍ବ ଫକୀର ମୋହନ ସେନାପତିଙ୍କ କ୍ଷୁଦ୍ରତମ କଳାକୃତ୍ତି କରି ଯୁବ ଭାସ୍କର୍ଯ୍ୟ ଶିଳ୍ପୀ ସଞ୍ଜୟ କୁମାର ରାଉଳ ଏବେ ପାଲଟିଛନ୍ତି ଚର୍ଚ୍ଚାର ବିନ୍ଦୁ । ଚକ ଖଡିରେ ଫକୀର ମୋହନଙ୍କ ପ୍ରତିମୂର୍ତ୍ତି ତିଆରି କରି ସେ ସାଉଁଟିଛନ୍ତି ଅନେକ ପ୍ରଶଂସା । ଓଡିଆ ଭାଷାକୁ ସ୍ବତନ୍ତ୍ରତା ପ୍ରଦାନ ବିପ୍ଳବରେ ଫକୀର ମୋହନ ସେନାପତିଙ୍କ ଅବଦାନକୁ ଆଖିରେ ରଖି ଚକରେ ତାଙ୍କର ପ୍ରତିମୂର୍ତ୍ତି ତିଆରି କରି ଶ୍ରଦ୍ଧାଞ୍ଜଳି ଦେଇଥିବା ପ୍ରକାଶ କରିଛନ୍ତି ସଞ୍ଜୟ ।
କୋଲକାତାରୁ ଭାସ୍କର୍ଯ୍ୟ କଳାରେ ପିଜି କରିବା ପରେ ସଞ୍ଜୟ ଏବେ ବାଲେଶ୍ଵର ଚାରୁ ଓ କାରୁକଳା କଲେଜରେ ଅତିଥି ଅଧ୍ୟାପକ ଭାବେ କାର୍ଯ୍ୟ କରୁଛନ୍ତି । ମକର ସଂକ୍ରାନ୍ତିରେ ଫକୀର ମୋହନଙ୍କ 178ତମ ଜୟନ୍ତୀ ପାଳନ ହେବାକୁ ଥିବା ବେଳେ ଏହି କଳାକୃତି ମାଧ୍ୟମରେ ସଞ୍ଜୟ ଫକୀର ମୋହନଙ୍କୁ ଶ୍ରଦ୍ଧାଞ୍ଜଳି ଦେଇଥିବା କହିଛନ୍ତି।
ଆଗକୁ ଆହୁରି ମହାପୁରୁଷଙ୍କ ପ୍ରତିମୂର୍ତ୍ତି ତିଆରି କରିବା ସହ ଭାସ୍କର୍ଯ୍ୟ କଳା ମାଧ୍ୟମରେ ଶ୍ରଦ୍ଧାଞ୍ଜଳି ଦେବେ ବୋଲି ସଞ୍ଜୟ କହିଛନ୍ତି । ତେବେ ସଞ୍ଜୟଙ୍କ ଏହି କଳାକୃତି ସମ୍ପର୍କରେ ତାଙ୍କ ସହ ଆମ ପ୍ରତିନିଧି ଅଧିକ ଆଲୋଚନା କରିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
