ବାଲେଶ୍ବର: ଥମିବାର ନାଁ ନେଉନି ବ୍ରାଉନସୁଗାର କାରବାର । ଅବକାରୀ ବିଭାଗ ଓ ପୋଲିସର ଚଢାଉ ପରେ ବି ବେପାରୀମାନେ ବେପାର କରିବାରେ ଲାଗିଛନ୍ତି। ବୁଧବାର ପୁଣି ବାଲେଶ୍ବର ଜଳେଶ୍ବର ଅଞ୍ଚଳରୁ ବ୍ରାଉନସୁଗାର ଜବତ ସହ ଜଣେ ବେପାରୀ ବନ୍ଧା ହୋଇଥିବା ସୂଚନା ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା. ବାଲେଶ୍ବର
ଜଳେଶ୍ବର ରେଳ ଷ୍ଟେସନରେ ଆଜି ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ 15 ଗ୍ରାମ ବ୍ରାଉନସୁଗାର ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ 1.5 ଲକ୍ଷରୁ ଅଧିକ ହେବ ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଜଳେଶ୍ବରର ଝାଡେଶ୍ବରପୁର ବସ୍ତିରୁ ବ୍ରାଉନସୁଗାର ନେଇ ଜଳେଶ୍ବର ଷ୍ଟେସନ ଦେଇ ଭଦ୍ରକ ଅଭିମୁଖେ ଯିବା ବେଳେ ବିଶେଷ ସୂତ୍ରରୁ ଖବର ପାଇ ଜଳେଶ୍ବର ଅବକାରୀ ବିଭାଗ ଷ୍ଟେସନରେ ଚଢାଉ କରିଥିଲା । ବ୍ରାଉନସୁଗାର ଜବତ ସହ ବେପାରିକୁ ଗିରଫ କରିଛି । ଗିରଫ ହୋଇଥିବା ବେପାରୀ ଜଣଙ୍କ ଭଦ୍ରକ ତେଲେଙ୍ଗାପଡ଼ା ଅଞ୍ଚଳର ପି. ସନ୍ତୋଷ ବୋଲି ଜଣାପଡିଛି ।
ବଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
