ବଲାଙ୍ଗୀର: ପିଇବା ପାଣି ସମସ୍ୟା ପାଇଁ ଆନ୍ଦୋଳନକୁ ଓହ୍ଲାଇଲେ ଲୋକେ । ବଲାଙ୍ଗୀର ପୌରପାଳିିକା ଅନ୍ତର୍ଗତ କଦମ ପଡ଼ା ଓ ନନ୍ଦିନୀ ନଗରରେ ପିଇବା ପାଣିର ଘୋର ସମସ୍ୟା ଥିବା ପଡ଼ାବାସୀ ଅଭିଯୋଗ କରିଛନ୍ତି। ତେବେ ଚାରି ଦିନ ଧରି ଏଠାରେ ଅଳ୍ପ ସମୟ ପାଇଁ କିଛି ଅଞ୍ଚଳକୁ ପାଣି ଯୋଗାଇ ଦିଆଯାଉଥିବା ବେଳେ ତାହା ସମୁଦ୍ରକୁ ଶଙ୍ଖେ ଭଳି ହୋଇଛି । ଲୋକ ପିଇବା ପାଣି ନ ପାଇ ହନ୍ତସନ୍ତ ହେଉଛନ୍ତି ।
ପିଇବା ପାଣି ପାଇଁ ଆନ୍ଦୋଳନକୁ ଓହ୍ଲାଇଲେ ଲୋକେ
ସେପଟେ, ଏଥିପାଇଁ ସେମାନେ ସଂପୃକ୍ତ ବିଭାଗୀୟ ଅଧିକାରୀଙ୍କୁ ବାରମ୍ବାର ଜଣାଇଥିଲେ ମଧ୍ୟ କିଛି ସୁଫଳ ନ ପାଇବାରୁ ଆଜି(ମଙ୍ଗଳବାର) ଏହି ପଡ଼ାର ଶତାଧିକ ମହିଳା ଓ ପୁରୁଷ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି । ପିଇବା ପାଣି ସମସ୍ୟା ଶୀଘ୍ର ସମାଧାନ ନହେଲେ ଆଗକୁ ଏମାନେ ତୀବ୍ର ଆନ୍ଦୋଳନ କରିବେ ବୋଲି କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ, ଇଟିଭି ଭାରତ
