ବଲାଙ୍ଗୀର: ଜିଲ୍ଲାର ଲୋଇସିଂହା ପିପିଲି ପାଲିଠାରେ ବାଇକକୁ ବଞ୍ଚାଇବାକୁ ଯାଇ ଭ୍ୟାନଟି ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାରେ 15 ଜଣ ଆହତ ହୋଇଥିବା ବେଳେ 2 ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ଉକ୍ତ ଗୁରୁତରଙ୍କୁ ବୁର୍ଲା ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।
ବଲାଙ୍ଗୀରରେ ଭ୍ୟାନ ଓଲଟି 15 ଆହତ
ଭ୍ୟାନରେ ମୋଟ 25 ଜଣ ଯାତ୍ରୀ ଥିଲା ବେଳେ ସେମାନେ ସାନ ଟିକା ଗ୍ରାମରେ ଝିଅକୁ ଛାଡି ବେହେରାମାଲ ଗ୍ରାମକୁ ଫେରୁଥିବା ବେଳେ ଏହି ଦୁର୍ଘଟଣାର ଶିକାର ହୋଇଥିଲେ । ସେଠାରୁ ଫେରୁଥିବା ସମୟରେ ଲୋଇସିଂହା ପିପିଲି ପାଲିଠାରେ ଏକ ବାଇକ ଆରୋହୀକୁ ବଞ୍ଚାଇବାକୁ ଯାଇ ଭ୍ୟାନଟି ରାସ୍ତାକଡକୁ ଓଲଟି ପଡିଥିଲା । ଦୁର୍ଘଟଣାରେ ସମସ୍ତ ଯାତ୍ରୀଙ୍କ ମଧ୍ୟରୁ 15 ଜଣ ଗୁରୁତର ଆହତ ହୋଇଥିଲେ। ତେବେ ସେମାନଙ୍କୁ ଉଦ୍ଧାର କରି ଲୋକେ ବଲାଙ୍ଗୀର ଭୀମଭୋଇ ମେଡିକାଲ୍ କଲେଜରେ ଭର୍ତ୍ତି କରିଛନ୍ତି। ସେପଟେ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
