ବଲାଙ୍ଗୀର: ଅଜଣା ଗାଡ଼ି ଧକ୍କାରେ ମୋଟର ସାଇକଲରେ ଯାଉଥିବା ଦୁଇ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି । ବଲାଙ୍ଗୀର ମୁରିବହାଲ୍ ଥାନା ଅନ୍ତର୍ଗତ ଘଣ୍ଟ ବାହାଲ ଗ୍ରାମର ପୋଲ ନିକଟରେ ଏହି ଦୁର୍ଘଟଣା ଘଟିଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଅଜଣା ଗାଡି ଧକ୍କାରେ 2 ମୋଟର ସାଇକେଲ ଆରୋହୀ ମୃତ
ବୁଧବାର ରାତିରେ ଦୁଇ ଜଣ ଯୁବକ ମୋଟର ସାଇକେଲରେ ଯାଉଥିବାବେଳେ ପୋଲ ପାଖରେ ଅଜଣା ଗାଡ଼ି ଧକ୍କା ଦେଇ ଫେରାର ହୋଇଯାଇଥିଲା । ସେପଟେ ଘଟଣାସ୍ଥଳରେ ହିଁ ଦୁଇ ଯୁବକଙ୍କର ମୃତ୍ୟୁ ଘଟିଥିଲା । ମୃତ ଯୁବକମାନେ ବଲାଙ୍ଗୀର ବାର୍ବନ୍ଦ୍ ଗ୍ରାମର ଦୁର୍ଲଭ ଭୋଇ ଓ କଳାହାଣ୍ଡି ଜିଲ୍ଲା ବର୍କାନୀ ଗ୍ରାମର ଦୋଲାମନି ଭୋଇ ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଯୁବକଙ୍କ ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଅଧିକ ତଦନ୍ତ ଜାରି ରଖିଛି ।
ବଲାଙ୍ଗୀର ଶେଖ ମହମ୍ମଦ ୱାହିଦ, ଇଟିଭି ଭାରତ
