ବଲାଙ୍ଗୀର: ରାଜ୍ୟ ସରକାରଙ୍କ କ୍ୟାବିନେଟ ନିକଟରେ ବନ୍ଦେ ଉତ୍କଳ ଜନନୀ ଗୀତକୁ ରାଜ୍ୟ ସଂଗୀତ ଭାବରେ ଅନୁମୋଦିତ କରିଛନ୍ତି । ତେବେ ଏହାକୁ ତୀବ୍ର ବିରୋଧ କରିଛି କୋଶଳ ସମନ୍ୱୟ ସମିତି। ଏହା ସମ୍ବିଧାନ ବିରୋଧୀ ବୋଲି କହିବା ସହ ଭାରତରେ ଗୋଟିଏ ରାଷ୍ଟ୍ର ଗାଁ ଗୋଟିଏ ପତାକାର ବ୍ୟବସ୍ଥା ରହିଛି । ରାଜ୍ୟ ସରକାର ଏହାକୁ ଅମାନ୍ୟ କରି ଅଣସାମ୍ବିଧାନିକ ଭାବରେ ଏହି ଗୀତକୁ ରାଜ୍ୟ ସଂଗୀତର ମାନ୍ୟତା ଦେଇଛନ୍ତି ସମିତି ଅଭିଯୋଗ ଆଣିଛି ।
ରାଜ୍ୟ ସଂଗୀତକୁ କୋଶଳ ସମନ୍ୱୟ ସମିତିର ତୀବ୍ର ବିରୋଧ
ତେବେ ଦୀର୍ଘ ବର୍ଷରୁ କୋଶଳ ସମନ୍ୱୟ ସମିତି ଅଲଗ କୋଶଳ ରାଜ୍ୟ ପାଇଁ ଦାବି କରି ଆସୁଥିବା ବେଳେ ଏହି ଦିନକୁ ସମିତି ପକ୍ଷରୁ କଳା ଦିନ ବୋଲି କୁହାଯାଇଛି । ଏହା ବିରୋଧରେ ଏମାନେ କୋର୍ଟର ଆଶ୍ରୟ ନେବା ସହ ସାରା କୋଶଳ ଅଞ୍ଚଳରେ ଏମାନେ ଆନ୍ଦୋଳନ କରିବେ ବୋଲି କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
