ବଲାଙ୍ଗୀର: ବର୍ତ୍ତମାନ ଏକ ସଙ୍ଗରୋଧ କେନ୍ଦ୍ରରେ ପ୍ରେମୀ ଯୁଗଳଙ୍କ ଭିଡିଓ ଭାଇରାଲ ହେବାରେ ଲାଗିଛି। ମୋବାଇଲ ରୁ ମୋବାଇଲ ବୁଲୁଥିବା ଏହି ଭିଡିଓରେ ପ୍ରେମୀ ଯୁଗଳ କୋଲାକୋଳି ହୋଇଥିବା ବେଳେ ତାଙ୍କୁ ପରିବାର ଅଲଗା କରୁଥିବାର ଦେଖିବାକୁ ମିଳିଛି।
ବଲାଙ୍ଗୀର ଏକ ସଙ୍ଗରୋଧ କେନ୍ଦ୍ରରେ ପ୍ରେମୀ ଯୁଗଳଙ୍କ ଭିଡିଓ ଭାଇରାଲ
ତେବେ ଏହି ଭିଡିଓଟି ବଲାଙ୍ଗୀର କୁସଙ୍ଗ ସଙ୍ଗରୋଧ କେନ୍ଦ୍ରର ବୋଲି କୁହାଯାଉଥିବା ବେଳେ ଦୁଇ ପ୍ରେମୀ ଯୁଗଳ ଲୋଇସିଂହା ଅଞ୍ଚଳର ବୋଲି କୁହାଯାଉଛି। ସେହିପରି ଏ ଦୁହେଁ ଗାଁରୁ ଫେରାର ମାରିଥିବା ବେଳେ କରୋନା କଟକଣା ପରେ ଗାଁକୁ ଫେରି ଏହି ସଙ୍ଗରୋଧ କେନ୍ଦ୍ରରେ ଥିଲେ।
ଯାହାର ଖବର ଝିଅ ଘର ଲୋକ ପାଇବା ପରେ ଝିଅକୁ ନେବାକୁ ଆସି ଥିବା ବେଳେ ଏହି ଘଟଣା ଘଟି ଥିଲା । ଯାହା ସ୍ପଷ୍ଟ ହୋଇ ନ ଥିଲେ ସୁଦ୍ଧା ଭିଡିଓ କିନ୍ତୁ ଏବେ ବେଶ ଭାଇରାଲ ହେବାରେ ଲାଗିଛି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
