ବଲାଙ୍ଗୀର: ବଲାଙ୍ଗୀର-ଖୋର୍ଦ୍ଧା 57 ନଂ ଜାତୀୟ ରାଜପଥ ଭଦ୍ରାପାଲି ଗ୍ରାମ ନିକଟରେ ସଡକ ଦୁର୍ଘଟଣା । ଏଥିରେ ସ୍ତ୍ରୀଙ୍କ ମୃତ୍ୟୁ ହୋଇଥିବା ବେଳେ ସ୍ଵାମୀ ଗୁରୁତର ଆହତ ହୋଇଛନ୍ତି।
ସୂଚନାମୁତାବକ, ସୁବର୍ଣ୍ଣପୁର ପଟୁ ଏକ ବାଇକରେ ଏକ ଦମ୍ପତି ବଲାଙ୍ଗୀରକୁ ଆସୁଥିବା ବେଳେ ଏକ ଅଜଣା ଗାଡ଼ି ତାଙ୍କୁ ପଛପଟୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ସ୍ତ୍ରୀଙ୍କର ମୃତ୍ୟୁ ହୋଇଥିବା ବେଳେ ସ୍ଵାମୀ ଗୁରୁତର ଆହତ ହୋଇଛନ୍ତି । ଖବରପାଇ ପୁଇନ୍ତାଳ ପୋଲିସ ସ୍ଥାନୀୟ ଲୋକଙ୍କ ସାହାଯ୍ୟରେ ଗୁରୁତର ସ୍ବାମୀଙ୍କୁ ଉଦ୍ଧାର କରି ବଲାଙ୍ଗୀର ମେଡିକାଲ କଲେଜକୁ ପଠାଇଛି ।
ତେବେ ମୃତ ମହିଳା ସୁବର୍ଣ୍ଣପୁର ଗଙ୍ଗାନଗରର ସାବିତ୍ରୀ ସାହୁ ଓ ଗୁରୁତର ସ୍ଵାମୀ ଖଗେଶ୍ବର ସାହୁ ବୋଲି ପରିଚୟ ମିଳିଛି।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
