ବଲାଙ୍ଗୀର: ବଲାଙ୍ଗୀର ରାଜେନ୍ଦ୍ର ବିଶ୍ବ ବିଦ୍ୟାଳୟରେ କୋରୋନା । ବଲାଙ୍ଗୀର ଜିଲ୍ଲାରେ ପୁଣି କରୋନା ସଂକ୍ରମଣ ଉପର ମୁହାଁ ହୋଇଛି । ଆଜି(ଶୁକ୍ରବାର) ଜିଲ୍ଲାରେ ଏହାର ସଂଖ୍ୟା 54 ରହିଥିବା ବେଳେ ବଲାଙ୍ଗୀରର ରାଜେନ୍ଦ୍ର ବିଶ୍ଵବିଦ୍ୟାୟର ଜଣେ ଛାତ୍ର କୋରୋନା ପଜିଟିଭ ଥିବାର ଜଣାପଡ଼ିଛି । ତେବେ ସମ୍ପୃକ୍ତ ଛାତ୍ର ଜଣକ ଭବାନୀପାଟଣାର ହୋଇଥିବା ବେଳେ ସେ ଏଠି ହଷ୍ଟେଲରେ ରହି ଯୁକ୍ତ ତିନି ପାଠ ପଢୁଥିଲେ ଏବଂ ନିକଟରେ ସେ ଘରୁ ଫେରି ଏଠି ଥିବାବେଳେ ତାଙ୍କୁ ଜ୍ଵର ହୋଇଥିଲା।
ଅଧିକ ପରୀକ୍ଷା ପରେ ସେ କରୋନା ସଂକ୍ରମିତ ହୋଇଥିବାର ଜଣାପଡ଼ିଛି । ଯାହା ପରେ ବିଶ୍ଵବିଦ୍ୟାଳୟ କର୍ତ୍ତୃପକ୍ଷ ଦୁଇ ଦିନ ପାଇଁ ସବୁ କ୍ଲାସ ବାତିଲ କରିଛନ୍ତି । ସମ୍ପୃକ୍ତ ହଷ୍ଟେଲରେ ସାନିଟାଇଜ କରାଯାଇଛି । ସମାନ ଭାବରେ ହଷ୍ଟେଲରେ ଥିବା ଅନ୍ୟ ମାନଙ୍କର ଆରଟିପିସିଆର ପରୀକ୍ଷା କରାଯିବ ବୋଲି କର୍ତ୍ତୃପକ୍ଷ କହିଛନ୍ତି ।
ତେବେ କରୋନା ସଂକ୍ରମିତ ସମ୍ପୃକ୍ତ ଛାତ୍ରକୁ ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରାଯାଇଥିବା ବେଳେ ସେ ସୁସ୍ଥ ଥିବାର ଜଣାପଡ଼ିଛି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
