ବଲାଙ୍ଗୀର: କୋରୋନା ସମସ୍ତ ବ୍ୟବସାୟକୁ ପ୍ରଭାବିତ କରିଛି । ଛୋଟ ବଡ କାରିଗରଙ୍କ ଧନ୍ଦା ତଥା ବ୍ୟବସାୟ ସମ୍ପୂର୍ଣ୍ଣ ଭାବରେ ଠପ ହୋଇଯାଇଛି । ବଲାଙ୍ଗୀରର କୁମ୍ଭାର ସମ୍ପ୍ରଦାୟ ମାଟି କାମ କରି ଚଳୁଥିବା ବେଳେ କୋରୋନା ସମୟରେ ସେମାନେ ମଧ୍ୟ ବର୍ତ୍ତମାନ ରୋଜଗାର ହରାଇଛନ୍ତି ।
ଦୁର୍ଦ୍ଦିନରେ ମାଟି କାରିଗର: କୋରୋନା ଯୋଗୁଁ ଆସୁନାହାଁନ୍ତି ଗ୍ରାହକ
କୋରୋନା ସାରା ପୃଥିବୀରେ କାୟା ମେଲାଇ ସବୁ ବ୍ୟବସାୟ ଉପରେ ପ୍ରଭାବ ପକାଇଛି । ପୂର୍ବ ପୁରୁଷ କାଳରୁ ଏଠାକାର କୁମ୍ଭାର ମାନେ ମାଟି ତିଆରି ସାମଗ୍ରୀ ବିକ୍ରି କରି ନିଜ ପରିବାର ପୋଷଣ କରିଥାନ୍ତି । ପ୍ରତିଦିନ ଏମାନେ ମାଟି ପାତ୍ର ଇତ୍ୟାଦି ବିକ୍ରି କରି ଦୁଇ ପଇସା ରୋଜଗାର କରୁଥିବା ବେଳେ ପର୍ବ ପର୍ବାଣୀ ରେ ଭଲ ଦୁଇ ପଇସା ରୋଜଗାର କରି ବର୍ଷ ତମାମ ଚାଲିଥାନ୍ତି । ତେବେ ଗଣେଶ ପୂଜା ସହ ପାର୍ବଣ ଋତୁ ଆରମ୍ଭ ହେଲେ କୁମ୍ଭାର ମାନେ ଏହି ଋତୁ ପାଇଁ ମାଟି ମୂର୍ତ୍ତୀ ତିଆରି କରି ଭଲ ଦୁଇ ପଇସା ରୋଜଗାର କରି ଆସୁଥିବା ବେଳେ ଏଥର କିନ୍ତୁ ଏପରି କିଛି ହେବ ନାହିଁ ।
