ବଲାଙ୍ଗୀର: ବୃକ୍ଷ ରୋପଣ ଦାବି ନେଇ ଆଜି ବଲାଙ୍ଗୀରର ଦୁଇ ସଙ୍ଗଠନ ବନ ଅଧିକାରୀଙ୍କ କାର୍ଯ୍ୟାଳୟକୁ ଘେରିଥିଲେ । ଯେଉଁଥିରେ ସହରର ବିଭିନ୍ନ ସ୍ଥାନରେ ବର୍ଷା ଦିନେ ବୃକ୍ଷ ରୋପଣର ପ୍ରତିଶ୍ରୃତି ମିଳିଥିବା ସତ୍ତ୍ବେ ଏଯାବତ ତାହା ନ ହେବାରୁ ଏହି ଆନ୍ଦୋଳନ କରିଥିଲେ ଦୁଇ ସଙ୍ଗଠନ।
ବୃକ୍ଷ ରୋପଣ ଦାବି ନେଇ ମଙ୍ଗଳବାର ବଲାଙ୍ଗୀରର ଦୁଇ ସଙ୍ଗଠନ ପକ୍ଷରୁ ଆନ୍ଦୋଳନ କରା ଯାଇଥିଲା । ବଲାଙ୍ଗୀରରେ ରାସ୍ତା ପ୍ରଶସ୍ତିକରଣ ନାଁରେ ଶତାଧିକ ବହୁ ପୁରୁଣା ଗଛକୁ କାଟି ଦିଆ ଯାଇଛି । ପୂର୍ବରୁ ସହର ଏଗି ଗଛ ପାଇଁ ସବୁଜିମା ଦେଖା ଯାଉଥିବା ବେଳେ ଏବେ ତାହା ମରୁଭୂମି ପାଲଟିଛି।
ତେବେ ଗଛ କଟା ସମୟରେ ଆନ୍ଦୋଳନ ହୋଇଥିଲା ଏବଂ ବିଭିନ୍ନ ବିଭାଗ ଦ୍ଵାରା ବର୍ଷା ମାସରେ ବୃକ୍ଷ ରୋପଣର ପ୍ରତିଶ୍ରୃତି ମିଳିଥିଲା । ହେଲେ ସମୟ ଅତିବାହିତ ହୋଇଥିବା ବେଳେ ଏଯାଏଁ ତାହା ହୋଇ ପରି ନାହିଁ । ଯାହାକୁ ନେଇ ବଲାଙ୍ଗୀର ଭିଲେଜର ପାର୍ଟି ଓ ଆଦିବାସୀ ଅଧିକାର ମହାସଂଘ ପକ୍ଷରୁ ଜିଲ୍ଲା ବନ ଅଧିକାରୀଙ୍କ କାର୍ଯ୍ୟାଳୟ ତଥା ଓ ଏଫଡ଼ିସି କାର୍ଯ୍ୟାଳୟ ସମ୍ମୁଖରେ ଏହି ଧାରଣା ଦିଆଯାଇଛି । ଦାବି ପୂରଣ ନ ହେଲେ ଆଗକୁ ତୀବ୍ର ଆନ୍ଦୋଳନ କରାଯିବ ବୋଲି କୁହାଯାଇଛି।
ବଲାଙ୍ଗୀରରୁ ମହମ୍ମଦ ୱାହିଦ, ଇଟିଭି ଭାରତ
