ବଲାଙ୍ଗୀର: ବଲାଙ୍ଗୀର ଜିଲ୍ଲାରେ ଅଭାବନୀୟ ଘଟଣା । କ୍ଷେତ ଜଗିଥିବା ବେଳେ ବୃଦ୍ଧଙ୍କୁ କଚାଡି ମାରିଲା ହାତୀ । ତୁସୁରା ଥାନା ଅନ୍ତର୍ଗତ ଖଇରଗୁଡା ଜଙ୍ଗଲ ନିକଟରେ ଏହି ଘଟଣା ଘଟିଥିବା ସୂଚନା ମିଳିଛି । ମୃତ ବୃଦ୍ଧ ଜଣଙ୍କ ହେଉଛନ୍ତି ମାଛୁ ମହନନ୍ଦ ।
ମିଳିଥିବା ସୂଚନା ଅନୁଯାୟୀ, ସ୍ଥାନୀୟ ଅଞ୍ଚଳରେ ଏକ ୧୨ ଟିକିଆ ହାତୀପଲଙ୍କ ଉପଦ୍ରବ ଯୋଗୁଁ ରାତି ହେଲେ ଲୋକେ ଧାନ କ୍ଷେତ ଜଗି ରହୁଛନ୍ତି । ତେବେ ଗତ ରାତିର ଖାଇରଗୁଡା ଗ୍ରାମର ବୃଦ୍ଧ ମାଛୁ ମହନନ୍ଦ ନିଜ କ୍ଷେତ ଜଗିଥିଲେ । କିନ୍ତୁ ବିଳମ୍ବିତ ରାତିରେ ହାତୀ ତାଙ୍କୁ ଆକ୍ରମଣ କରିବା ସହ କଚାଡି ମାରି ଦେଇଥିବା ଅଭିଯୋଗ ହୋଇଛି ।
ଏହା ମଧ୍ୟ ପଢନ୍ତୁ-ଶ୍ରୀମନ୍ଦିର ଉପରେ ଡ୍ରୋନ ଉଡିବା ପ୍ରସଙ୍ଗ, କାର୍ଯ୍ୟନୁଷ୍ଠାନ ନିଆଯିବ କହିଲେ ଏସପି
ସେପଟେ ଗ୍ରାମବାସୀ ଓ ଜଙ୍ଗଲ ବିଭାଗ ହାତୀକୁ ଘଉଡାଇବାକୁ ରାତି ତମାମ ଚେଷ୍ଟା କରି ଥିବାବେଳେ ଆଜି(ମଙ୍ଗଳବାର) ସକାଳୁ ବୃଦ୍ଧଙ୍କ ମୃତଦେହ ସେଠାରେ ପଡିରହିଥିବା ଦେଖିବାକୁ ମିଳିଥିଲା । ଏନେଇ ଖବର ପାଇ ତୁସୁରା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ଆରମ୍ଭ କରିଛି । ଅନ୍ୟପଟେ ଗ୍ରାମବାସୀ ସମ୍ପୃକ୍ତ ବୃଦ୍ଧଙ୍କ ପରିବାରକୁ କ୍ଷତିପୂରଣ ଦିଆଯାଉ ବୋଲି ଦାବି କରିଛନ୍ତି । ଏକ ୧୨ ଟିକିଆ ହାତୀ ପଲ ଉକ୍ତ ଅଞ୍ଚଳରେଧନ ଜୀବନ ନଷ୍ଟ କରୁଥିବା ବେଳେ ତାଙ୍କୁ ଘଉଡାଇବା ପାଇଁ ଉଦ୍ୟମ କରିବାକୁ ଦାବି କରିଛନ୍ତି ଗ୍ରାମବାସୀ ।
ଇଟିଭି ଭାରତ, ବଲାଙ୍ଗୀର
