ବଲାଙ୍ଗୀର: ପାଟଣାଗଡ଼ ବିଧାୟକ ସରୋଜ ମେହେର ଜେଇଇ ଜୟକାନ୍ତ ଶବରଙ୍କୁ ବିଚ ରାସ୍ତାରେ ଉଠବସ କରିବା ଘଟଣାରେ ଆଦିବାସୀ ସଂଘ ଆସନ୍ତା 26 ତାରିଖରେ ବିଧାନସଭା ଘେରାଉ କରିବାର ନିଷ୍ପତ୍ତି ନେଇଛନ୍ତି। ଆଇନ ଅନୁସାରେ ଶୀଘ୍ର ପଦକ୍ଷେପ ନ ନିଆଗଲେ ଆଗକୁ ଏହି ଆନ୍ଦୋଳନ ତୀବ୍ରତର ହେବ ବୋଲି ସଂଘ କହିଛି ।
ବିଧାୟକଙ୍କୁ ଗିରଫ ଦାବିରେ ଆଦିବାସୀ ସଂଘ ଆନ୍ଦୋଳନ ଜାରିରଖିଛି । ଏହି ମାମଲାରେ ପାଟଣାଗଡ଼ ସମେତ ବଲାଙ୍ଗୀରର ସବୁଥାନାରେ ବିଧାୟକଙ୍କ ବିରୁଦ୍ଧରେ ସଂଘ ଲିଖିତ ଅଭିଯୋଗ କରିଛି । ସେହିପରି ଆଦିବାସୀଙ୍କ ସହ ପୋଲିସ ପ୍ରଶାସନର ଆଲୋଚନା ବିଫଳ ହୋଇଛି । ସେହିପରି ଆଦିବାସୀ ସଂଘ ସହିତ ଭୁବନେଶ୍ବର ସ୍ତରୀୟ ଆଲୋଚନା ମଧ୍ୟ ସମାନ ଭାବରେ ବିଫଳ ହୋଇଛି । ହେଲେ ଏଯାଏ ପୋଲିସ କୌଣସି ପଦକ୍ଷେପ ନେଇ ନଥିବାରୁ ଆଦିବାସୀ ସଂଘ ବିଧାନସଭା ଘେରାଉ କରିବାକୁ ନିଷ୍ପତ୍ତି ନେଇଛନ୍ତି । ସେପଟେ ସେହିପରି ଏହି ଘଟଣାରେ ବଲାଙ୍ଗୀର ଆଦିବାସୀ ସଂଘକୁ ରାଜ୍ୟର ସବୁ ଆଦିବାସୀ ସଂଘ ସମର୍ଥନ ଦେଇଛନ୍ତି ।
ବଲାଙ୍ଗୀରରୁ ଶେକ ମହମ୍ମଦ ୱାହିଦ, ଇଟିଭି ଭାରତ
