ବଲାଙ୍ଗୀର: ବଲାଙ୍ଗୀର ଚର୍ଚ୍ଚିତ ଶିକ୍ଷୟତ୍ରୀ ମମିତା ମେହେର ହତ୍ୟା ଘଟଣାର କଣ୍ଟାବାଞ୍ଜି ଅତିରିକ୍ତ ଜିଲ୍ଲା ଓ ଦୌରଜଜଙ୍କ ଅଦାଲତରେ (ADJ) ଶୁଣାଣି ଆରମ୍ଭ ହୋଇଛି । ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଓ ତାର ଡ୍ରାଇଭର ରାଧେକୁ ଆଜି କୋର୍ଟରେ ବ୍ୟକ୍ତିଗତ ଭାବରେ ହଜାର କରା ଯାଇଥିଲା । ବଙ୍ଗୋମୁଣ୍ଡା JMFC କୋର୍ଟରୁ ଚାର୍ଜ ସିଟ କମିଟମେଣ୍ଟ କଣ୍ଟାବାଞ୍ଜି ଏଡିଜେ(ADJ) କୋର୍ଟରେ କରାଯାଇଥିବା ବେଳେ ଆଜି ଠାରୁ କଣ୍ଟାବାଞ୍ଜି ଏଡିଜେ(ADJ) କୋର୍ଟରେ ନ୍ୟାୟିକ ପ୍ରକ୍ରିୟା ଆରମ୍ଭ ହୋଇଛି ।
ତେବେ କଡା ସୁରକ୍ଷା ମଧ୍ୟରେ ବ୍ୟକ୍ତିଗତ ଭାବରେ ହାଜର ହୋଇଛନ୍ତି ଗୋବିନ୍ଦ ସାହୁ ଓ ସହଯୋଗୀ ରାଧେଶ୍ୟାମ । ଗୋବିନ୍ଦ ସାହୁ ନିଜର ଓକିଲ ମଧ୍ୟ ବଦଳାଇ ଥିବା ବେଳେ ଏଥିରେ ଭବାନୀପାଟଣାର ବରିଷ୍ଠ ଆଇନଜୀବୀ ଦୁର୍ଗା ପାଢ଼ୀ ଲଢ଼ୁଛନ୍ତି। ସେହିପରି ଏହି ମାମଲାର ପରବର୍ତ୍ତୀ ଶୁଣାଣି ଚଳିତ ମାସ ୨୧ ତାରିଖରେ ହେବ ବୋଲି ସୂଚନା ମିଳିଛି ।
ଅନ୍ୟପକ୍ଷରେ ସରକାରୀ ଓକିଲ ପ୍ରମୋଦ ପାଣିଗ୍ରାହୀ କହିବା ଅନୁସାରେ, ନ୍ୟାୟିକ ପ୍ରକ୍ରିୟା ଆଜି ଠାରୁ କଣ୍ଟାବାଞ୍ଜି ଏଡିଜେ(ADJ) କୋର୍ଟରେ ଆରମ୍ଭ ହୋଇଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍, ଇଟିଭି ଭାରତ
