ବଲାଙ୍ଗୀର: ବଲାଙ୍ଗୀର ଜମିବାଡ଼ି ବିବାଦକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ରକ୍ତାକ୍ତ ସଂଘର୍ଷ । ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ଜଣେ ଆହତ ହୋଇଛି । ବଲାଙ୍ଗୀର ସଇଁତଳା ଥାନା ଅନ୍ତର୍ଗତ କୁମ୍ଭରୀ ଗ୍ରାମରେ ଏହି ଘଟଣା ଘଟିଛି।
ଦୁଇ ପରିବାର ମଧ୍ୟରେ ସଂଘର୍ଷ,ଜଣେ ମୃତ
ଏହି ଗାଁର ଡିଙ୍ଗର ରଣା ଓ ବିଜୟ ରଣାଙ୍କ ପରିବାର ମଧ୍ୟରେ ଦୀର୍ଘ ଦିନରୁ ଜମି ବାଡ଼ି କଳହ ଲାଗି ରହିଥିଲା । ତେବେ ଆଜି ତାହା ରକ୍ତାକ୍ତ ସଂଘର୍ଷରେ ପରିଣତ ହୋଇଥିବା ବେଳେ ଏଥିରେ ଘଟଣାସ୍ଥଳରେ ଦିଙ୍ଗର ରଣାର ମୃତ୍ୟୁ ହୋଇଥିଲା । ଏଥିସହିତ ଏଥିରେ ବିଜୟ ରଣା ଗୁରୁତର ଆହତ ହୋଇଥିବା ବେଳେ ତାଙ୍କୁ ବଲାଙ୍ଗୀର ଭୀମ ଭୋଇ ମେଡିକାଲ୍ କଲେଜରେ ଭର୍ତ୍ତି କରାଯାଇଛି ।
ସେହିପରି ସଇଁତଳା ପୋଲିସ ଘଟଣାସ୍ଥଳକୁ ଯାଇ ମୃତକର ମୃତଦେହ ଉଦ୍ଧାର କରି ଟିଟିଲାଗଡ ବ୍ୟବଚ୍ଛେଦ ପାଇଁ ପଠାଇଛି । ଏବେ ଏହି ମାମଲାରେ ପୋଲିସ୍ ଦୁଇ ଜଣଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
