ବଲାଙ୍ଗୀର: ଅଦିନିଆ ବର୍ଷାରେ ଭିଜିଲା ବଲାଙ୍ଗୀର । ଗତ 2 ଦିନ ହେଲା ବଲାଙ୍ଗୀରରେ ପାଗ କୋହଲା ରହିଥିବା ବେଳେ ବର୍ଷା ମଧ୍ୟ ଜାରି ରହିଛି । ଫଳରେ ଜନ ଜୀବନ ପ୍ରଭାବିତ ହୋଇଛି । ଗତ ସନ୍ଧ୍ୟାରୁ ଝିପିଝିପି ବର୍ଷା ଲାଗି ରହିଥିବା ବେଳେ ଶନିବାର ଏହାର ପରିମାଣ ବଢିଛି । ବର୍ଷା ସାଙ୍ଗକୁ ଥଣ୍ଡା ପବନ ଜନ ଜୀବନକୁ ଅସ୍ତବ୍ୟସ୍ତ କରିଦେଇଛି । ବର୍ଷା ଯୋଗୁଁ ରାସ୍ତାଘାଟ ଖାଁ ଖାଁ ଥିବା ବେଳେ ଦୋକାନ ବଜାର ବନ୍ଦ ରହିଛି । ସେ ପଟେ, ଅଦିନିଆ ବର୍ଷା ଚାଷୀଙ୍କ ପାଇଁ କାଳ ସାଜିଛି । ସେମାନଙ୍କ କଷ୍ଟ ଉପାର୍ଜିତ ଧାନ ମଣ୍ଡିରେ ଭିଜୁଥିବା ବେଳେ ପରିବା ଚାଷୀଙ୍କ ଅବସ୍ଥା ନ କହିବା ଭଲ । ବର୍ଷାକୁ ନେଇ ଚାଷୀ କୂଳ ଦୁଃଖରେ ଅଛନ୍ତି।
ଭିଜିଲା ବଲାଙ୍ଗୀର
ବଲାଙ୍ଗୀରରୁ ଶେଖ ମହମ୍ମହ ଓ୍ବାହିଦ, ଇଟିଭି ଭାରତ
