ବଲାଙ୍ଗୀର: ବଲାଙ୍ଗୀରରେ ହେବ 2ଶହ ଶଯ୍ୟା ବିଶିଷ୍ଟ କୋଭିଡ -19 ହସ୍ପିଟାଲ । ଯାହା ପାଇଁ ଆଜି ତ୍ରିପାକ୍ଷିକ ବୁଝାମଣା ସ୍ବାକ୍ଷରିତ ହୋଇଛି। ବଲାଙ୍ଗୀରରେ ଥିବା କିଟ୍ କ୍ୟାମ୍ପସରେ ଶୁକ୍ରବାର ଏହି ବୁଝାମଣା ହୋଇଛି । ଯେଉଁଥିରେ କଳିଙ୍ଗ ଇନଷ୍ଟିଚ୍ୟୁଟ ଅଫ୍ ମେଡିକାଲ ସାଇନ୍ସ ଭୁବନେଶ୍ୱର, ଓଡ଼ିଶା ମାଇନିଙ୍ଗ କର୍ପୋରେସନ ଓ ଓଡ଼ିଶା ସରକାରଙ୍କ ପକ୍ଷରୁ ଜିଲ୍ଲା ପ୍ରଶାସନ ମଧ୍ୟରେ ଏହି ବୁଝାମଣା ହୋଇଛି।
ବଲାଙ୍ଗୀରରେ ହେବ 2ଶହ ଶଯ୍ୟା ବିଶିଷ୍ଟ କୋଭିଡ୍ -19 ହସ୍ପିଟାଲ୍
ଯେଉଁଥିରେ କିସ୍, କିଟ୍ ଓ କିମ୍ସର ପ୍ରତିଷ୍ଠାତା ଡାକ୍ତର ଅଚ୍ୟୁତ ସାମନ୍ତ, କିମ୍ସର ସିଇଓ ଡାକ୍ତର ବିଷ୍ଣୁ ପାଣିଗ୍ରାହୀ ଓ ବଲାଙ୍ଗୀର ଜିଲ୍ଲାପାଳ ଅରିନ୍ଦମ ଡାକୁଆ ପ୍ରମୁଖ ଉପସ୍ଥିତ ଥିଲେ। ତେବେ ଖୁବ ଶୀଘ୍ର ଏହି ହସ୍ପିଟାଲ ଦଶଟି ଆଇସିୟୁ ଶଯ୍ୟା ସହିତ 200 ଶଯ୍ୟା ସ୍ଥାପିତ ହେବ ବୋଲି ଏମାନେ କହିଛନ୍ତି । ଯାହା ଜନବସତି ଠାରୁ ଦୂରରେ ଥିବା ବେଳେ ବିପଦ ସମୟରେ ଏହା ନିଜ କାର୍ଯ୍ୟ ତୁଲାଇବା ବୋଲି ମଧ୍ୟ ପ୍ରତିଷ୍ଠାତା ଓ ଜିଲ୍ଲାପାଳ କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
