ବଲାଙ୍ଗୀର: କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜାଙ୍କ ପୁଅ ଗିରଫ । ଏକ ସିନେମା ହଲରେ ଗଣ୍ଡଗୋଳ, ଦାଦା ବଟି ଆଦାୟ କରିବା ଅଭିଯୋଗରେ ବିଧାୟକ ସାଲୁଜାଙ୍କ ପୁଅ ସେଜି ସିଂହ ଗିରଫ ହୋଇଛନ୍ତି । ଆଜି ତାଙ୍କୁ କୋର୍ଟ ଚାଲାଣ କରାଯିବ ବୋଲି ଜଣାପଡ଼ିଛି । ସେପଟେ ସେଜିଙ୍କ ଜିମରୁ ବିପୁଳ ମଦ ଓ ନଗଦ ଟଙ୍କା ଜବତ କରିଛି ପୋଲିସ ।
ନିକଟରେ ଜିଲ୍ଲାପାଳଙ୍କ ସହ ମୁହାଁମୁହିଁ ହୋଇଥିବା ବଲାଙ୍ଗୀର କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଏବେ ପୁଣି ଚର୍ଚ୍ଚାରେ । ଏଥର ତାଙ୍କ ପୁଅ ପାଇଁ ଚର୍ଚ୍ଚାରେ ଆସିଛନ୍ତି ବିଧାୟକ । ବେଆଇନ କାମ ପାଇଁ ସନ୍ତୋଷ ସିଂ ସାଲୁଜାଙ୍କ ପୁଅ ସେଜି ସିଂ ଗିରଫ ହୋଇଛନ୍ତି । ସେଜି ସିଂ ସାଲୁଜାକୁ ଗିରଫ କରିଛି ବଲାଙ୍ଗୀର ବେଲପଡ଼ା ପୋଲିସ ।
ଆଜି ତାଙ୍କୁ କୋର୍ଟ ଚାଲାଣ କରାଯିବ ବୋଲି ଜଣାପଡ଼ିଛି । ତେବେ ସେଜି ସିଂ ସାଲୁଜା ତାଙ୍କ ସମର୍ଥକଙ୍କ ସହ ଗତକାଲି ରାତିରେ ସ୍ଥାନୀୟ ଆଲିସାନ ସିନେମା ହଲରେ ଯାଇ ଗଣ୍ଡଗୋଳ କରିଥିଲେ । ସିନେମା ହଲ ମାଲିକକୁଙ୍କୁ ଦାଦା ବଟି ମାଗିଥିବାର ଅଭିଯୋଗ ହୋଇଥିଲା । ଏପରିକି ଏହାର ଏକ ଭିଡିଓ ମଧ୍ୟ ଭାଇରାଲ ହୋଇଥିଲା । ସେଥିରେ ଜୋର ପାଟି କରି କଥା ହେଉଥିବା ଦେଖିବାକୁ ମିଳିଥିଲା ।
ଏହା ବି ଫଢନ୍ତୁ...ବାଘଛାଲ ଡିଲ ବେଳେ ମାଡି ବସିଲା ପୋଲିସ, ୮ ଗିରଫ
ବେଲପଡ଼ା ପୋଲିସ ଏହି ଘଟଣାର ତଦନ୍ତ କରି ସାଲୁଜାଙ୍କ ପୁଅକୁ ଗିରଫ କରିଛି । ଏହା ସହିତ କଣ୍ଟାବାଞ୍ଜିର ବିଭିନ୍ନ ସ୍ଥାନରେ ଚଢାଉ କରିଥିଲା । ଯେଉଁଥିରେ ସାଲୁଜାଙ୍କ ପୁଅ ସେଜି କରିଥିବା ଏକ ଜିମରୁ ବେଆଇନ ମଦ ଓ ହତିଆର ପୋଲିସ ଜବତ କରିଥିଲା । ଯାହା ପରେ ପୋଲିସ୍ ସେଜି ସିଂହ ସାଲୁଜା ନାଁରେ ବେଆଇନ ବିଷାକ୍ତ ଜିନିଷ ରଖିବା ଆଇପିସି ଧାରା 284, ସରକାରୀ ଅଧିକାରୀଙ୍କୁ କାର୍ଯ୍ୟରେ ବାଧା ଦେବା ଧାରା 353, ଦାଦା ବଟି ମାଗିବା ଓ ନିର୍ଯାତନା ଦେବା ଧାରା 353 ଓ ଗାଳି ଗୁଲଜ ସହ ଧମକଚମକ ଦେବା 506 ଧାରାରେ ତାଙ୍କୁ ଗିରଫ କରିଛି ।
ଏହା ବି ପଢନ୍ତୁ...ମୋକିମଙ୍କ ଉପରେ ଅସନ୍ତୁଷ୍ଟ କଂଗ୍ରେସ ନେତୃବୃନ୍ଦ, ହୋଇପାରେ କାର୍ଯ୍ୟାନୁଷ୍ଠାନ
ତାଙ୍କ ସହିତ ଥିବା ଅନ୍ୟମାନଙ୍କୁ ମଧ୍ୟ ପୋଲିସ୍ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି । ସେଜି ସିଂଙ୍କୁ ଆଜି ତାଙ୍କୁ କୋର୍ଟ ଚାଲାଣ କରାଯିବ ବୋଲି ଜଣା ପଡ଼ିଥିବା ବେଳେ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସେପଟେ ଏହି ଘଟଣାକୁ ନେଇ ଉଭୟ ପୋଲିସ୍ କିମ୍ବା ବିଧାୟକ ସନ୍ତୋଷ ସିଂହ ସାଲୁଜା ପ୍ରତିକ୍ରିୟା ଦେଇ ନାହାନ୍ତି ।
ତେବେ ପୂର୍ବରୁ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଲୁଜା ବଲାଙ୍ଗୀର ଜିଲ୍ଲା ପରିଷଦ ବୈଠକରେ ଜିଲ୍ଲାପାଳଙ୍କ ସହ ମୁହାଁମୁହିଁ ହୋଇ ବିବାଦ ମଧ୍ୟରେ ଥିଲେ । ଯାହାକୁ ନେଇ ପ୍ରଶାସନିକ ସେବା ସଂଘ ଆନ୍ଦୋଳନ କରିଥିବା ବେଳେ ସାଲୁଜା ମଧ୍ୟ ତାଙ୍କ ସମର୍ଥକଙ୍କ ସହ ଆନ୍ଦୋଳନ କରିଥିଲେ । ତେବେ ଏବେ ତାଙ୍କ ପୁଅକୁ ପୋଲିସ ଗିରଫ କରିବା ପରେ ପୁଣି ସେ ବିବାଦ ମଧ୍ୟକୁ ଠେଲି ହୋଇ ଯାଇଛନ୍ତି ।
ଇଟିଭି ଭାରତ, ବଲାଙ୍ଗୀର
