ବଲାଙ୍ଗୀର: ପଞ୍ଚାୟତ ନିର୍ବାଚନରେ ପଞ୍ଚୁଆ ବର୍ଗ ପାଇଁ ସଂରକ୍ଷଣ ବ୍ୟବସ୍ଥା ହଟିବା ପରେ ବିରୋଧୀଙ୍କ ବୟାନ ବାଜିରେ ଉଠୁଛି ପଡୁଛି ରାଜ୍ୟ । ଆଗକୁ ପଞ୍ଚାୟତ ନିର୍ବାଚନ ଆସୁଥିବାବେଳେ ଏବେ ସଂରକ୍ଷଣକୁ ନେଇ ଜୋର୍ ଧରିଛି ରାଜନୀତି । କଂଗ୍ରେସ ସରକାରଙ୍କ ପାରିବା ପଣିଆର କଥା କହୁଥିବାବେଳେ ମୁଖ୍ୟମନ୍ତ୍ରୀଙ୍କୁ ଓବିସି ବିରୋଧୀ କହୁଛି ବିଜେପି । ପ୍ରତ୍ୟେକ ଦଳ ପଛୁଆ ବର୍ଗଙ୍କ ସଂରକ୍ଷଣ ଦାବିରେ ସରକାରଙ୍କ ଉପରେ ଗର୍ଜୁଛନ୍ତି ।
ଶାସକ ଦଳ ଓବିସି ବର୍ଗଙ୍କ ସହ ପ୍ରତାରଣା କରିଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ରହିଥିଲା ଯେ ତିନୋଟି ପ୍ରକ୍ରିୟାରେ ଓବିସିମାନଙ୍କ ସଂରକ୍ଷଣ ବ୍ୟବସ୍ଥା କରିବା । ଏଥିପାଇଁ ରାଜ୍ୟ ସରକାର ଏକ ଓବିସି କମିଶନ ମଧ୍ୟ ଗଠନ କଲେ ଏବଂ ହାଇକୋର୍ଟର ଅବସରପ୍ରାପ୍ତ ବିଚାରପତିଙ୍କୁ ନିଯୁକ୍ତି ଦେଲେ । ହେଲେ ଅପରପକ୍ଷେ କମିଶନକୁ ଉଚିତ୍ କ୍ଷମତା ନ ଦେଇ ତାକୁ ଅକାମୀ କରିଦେଲେ । ଯାହାଫଳରେ କମିଶନ ନିଜର ସଠିକ୍ ଦାୟିତ୍ବ ନିର୍ବାହ କରିପାରିଲେ ନାହିଁ ବୋଲି ଅଭିଯୋଗ କରିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।
