ବଲାଙ୍ଗୀର: ଭାଇ ଭାଇର ସମ୍ପର୍କରେ ଲାଗିଛି ରକ୍ତର ଛିଟା । ଜଣେ ଭାଇ ବାପାଙ୍କ ଜିପିଏଫ୍ ଟଙ୍କା ପାଇଁ ନିଜ ବଡ଼ ଭାଇକୁ ହତ୍ୟା କରିଛି। ବଲାଙ୍ଗୀର ଜିଲ୍ଲା ଟିଟିଲାଗଡରେ ଏହି ଅଭାବନୀୟ ଘଟଣା ଘଟିଛି। ଗୋରୁବଜାର ଠାରେ ରହୁଥିବା ସଞ୍ଜୟ ବେହେରା ଗତ ଚାରି ତାରିଖରୁ ନିଖୋଜ ଥିବାର ପରିବାର ଲୋକେ ଟିଟିଲାଗଡ ଥାନାରେ ଲିଖିତ ଅଭିଯୋଗ କରିଥିଲେ ।
ବାପାଙ୍କ ଜିପିଏଫ୍ ଟଙ୍କା ପାଇଁ ଭାଇକୁ ହତ୍ୟା କଲା ଭାଇ
ତେବେ ପୋଲିସ୍ ତଦନ୍ତ ସମୟରେ ସଞ୍ଜୟର ଛୋଟ ଭାଇ ପ୍ରମୋଦ ବେହେରାକୁ ଉଠାଇ ଆଣି ଜେରା କରିଥିଲା। ତେବେ ଆଜି(ବୁଧବାର) ପ୍ରମୋଦ ହିଁ ନିଜ ବଡ଼ ଭାଇକୁ ହତ୍ୟା କରିଥିବାର ସ୍ବୀକାର କରିଥିବାବେଳେ ମୃତଦେହକୁ ଟିଟିଲାଗଡ ନିକଟ ଝାରବନ୍ଧ ଜଙ୍ଗଲରେ ପୋତି ଦେଇଥିବାର କହିଥିଲା। ତେବେ ପୋଲିସ ତା’କୁ ସେହି ଜଙ୍ଗଲ ଭିତରୁ ନେଇଥିଲା । ପରେ ମାଟି ତଳୁ ସଞ୍ଜୟ ବେହେରାର ଗଳିତ ମୃତଦେହ ଉଦ୍ଧାର କରିଛି ପୋଲିସ। ଅପହରଣ ଓ ହତ୍ୟା ଅଭିଯୋଗରେ ପ୍ରମୋଦ ବେହେରାକୁ ଗିରଫ କରି କୋର୍ଟ ଚାଲାଣ କରାଯାଇଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିିଭି ଭାରତ
