ବଲାଙ୍ଗୀର: ଦିନକୁ ଦିନ ବଢିବାରେ ଲାଗିଛି କଲେଜ ଛାତ୍ରୀଙ୍କ ଅନ୍ତରଙ୍ଗ ମୂହୂର୍ତ୍ତର ଭିଡିଓ ଭାଇରାଲ ଘଟଣା। ବଲାଙ୍ଗୀରରେ ଏଭଳି ଏକ ଘଟଣା ଦେଖିବାକୁ ମିଳିଛି। ପୁଣି ଜଣେ କଲେଜ ଛାତ୍ରୀଙ୍କ ଅନ୍ତରଙ୍ଗ ମୁହୂର୍ତ୍ତର ଫଟୋ ଓ ଭିଡିଓ ଭାଇରଲ ହୋଇଥିବାର ଖବର ମିଳିଛି। ଯାହା ବର୍ତ୍ତମାନ ମୋବାଇଲରୁ ମୋବାଇଲକୁ ଘୁରି ବୁଲୁଥିବା ବେଳେ ଏ ମାମଲା ଏବେ ଥାନାରେ ପହଞ୍ଚିଛି। ଏନେଇ ପୀଡ଼ିତାଲିଖିତ ଅଭିଯୋଗ କରିବା ପରେ ପୋଲିସ ଏ ଘଟଣାରେ ତନାଘନା ଆରମ୍ଭ କରିଛି।
ପୀଡିତା ଛାତ୍ରୀ ବଲାଙ୍ଗୀର ବଙ୍ଗୋମୁଣ୍ଡାରେ ଥିବା ଏକ କଲେଜର ଯୁକ୍ତ ତିନିରେ ପାଠପଢନ୍ତି। ତାଙ୍କର ପୁରୁଷ ବନ୍ଧୁ ତାଙ୍କ ଅନ୍ତରଙ୍ଗ ମୂହୂର୍ତ୍ତର ଫଟୋ ଭାଇରାଲ କରିଥିବା ସେ ଅଭିଯୋଗ ଆଣିଛନ୍ତି। ପୁରୁଷ ବନ୍ଧୁ ଜଣକ ବେଲପଡା ବ୍ଲକ ଘାର୍ଘୁଲି ଗାଁ ଛିତକେଲ୍ ଜୋର ପ୍ରାଥମିକ ବିଦ୍ୟାଳୟର ଶିକ୍ଷକ ଗଣେଶ ସେଲମା ବୋଲି ଜଣାପଡ଼ିଛି।
ବିବାହର ପ୍ରତିଶ୍ରୁତି ଦେଇ ସେ କଲେଜ ଛାତ୍ରୀଙ୍କ ସହ ଶାରୀରିକ ସମ୍ବନ୍ଧ ରଖିଥିଲେ। କିନ୍ତୁ ପରବର୍ତ୍ତୀ ମୂହୂର୍ତ୍ତରେ ସେ ଏହାର ଭିଡିଓ ସୋସିଆଲ ମିଡିଆରେ ସେୟାର କରିଦେଇଥିଲେ। ଏନେଇ ପୀଡ଼ିତ ଜିଲ୍ଲାର ମୁରିବହାଲ ଥାନାରେ ଲିଖିତ ଅଭିଯୋଗ କରିଛନ୍ତି। ଯାହା ପରେ ପୋଲିସ ତନାଘନା ଆରମ୍ଭ କରିଥିବା ବେଳେ ଫେରାର ଥିବା ଅଭିଯୁକ୍ତର ଖାନତଲାସୀ ଜାରି ରଖିଛି।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ୍, ଇଟିଭି ଭାରତ
