ବଲାଙ୍ଗୀର: ଜିଲ୍ଲାରେ ବିସ୍କୁଟ ଫ୍ୟାକ୍ଟ୍ରି ଲୁଟ ଘଟଣାର ପର୍ଦ୍ଦାଫାସ । ଏହି ଲୁଟ ମାମଲାରେ ସମ୍ପୃକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଅଭିଯୁକ୍ତଙ୍କ ନିକଟରୁ ଗୋଟିଏ ମାଉଜର ଓ ଖଣ୍ଡା ଜବତ କରାଯାଇଛି ।
ବଲାଙ୍ଗୀର ବିସ୍କୁଟ ଫ୍ୟାକ୍ଟ୍ରିରୁ ଲୁଟ ମାମଲା, ଦୁଇ ଗିରଫ
ଅଭିଯୋଗ ଅନୁସାରେ, ଗତ 4 ଡିସେମ୍ବରରେ ବଲାଙ୍ଗୀର ଲଖପାଲି ରାସ୍ତାରେ ଥିବା ଆଶିଷ ଚୌଧୁରୀଙ୍କ ବିସ୍କୁଟ ଫ୍ୟାକ୍ଟ୍ରିରୁ ସଶସ୍ତ୍ର 2 ଲକ୍ଷ 60 ହଜାର ଟଙ୍କା ଲୁଟ କରିଥିଲେ କିଛି ଦୁର୍ବୃତ୍ତ । ଲୁଟପାଟ ପରେ ସମସ୍ତ ଅଭିଯୁକ୍ତ ଚମ୍ପଟ ମାରିଥିଲେ । ତେବେ ବହୁ ଦିନ ଧରି ପୋଲିସର ତଦନ୍ତ ପରେ ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଛି ଏବଂ କୋର୍ଟ ଚାଲାଣ କରାଯାଇଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
