ବଲାଙ୍ଗୀର: ନିଖୋଜ ଜଳ ଯୋଗାଣ କର୍ମଚାରୀଙ୍କ ମୃତଦେହ ଉଦ୍ଧାର । ବଲାଙ୍ଗୀର ସଇଁତଳା ବ୍ଲକ ଅନ୍ତର୍ଗତ ତାଲବାହାଲ ଗାଁର ଜଳ ଯୋଗାଣ କର୍ମଚାରୀ ଭାସ୍କର ଛତ୍ରିଆ ବୁଧବାର ଠାରୁ ନିଖୋଜ ଥିଲେ । ଗୁରୁବାର ଧୁନକେଡା ଗ୍ରାମ ନିକଟସ୍ଥ ପତ୍ରଫଡି ପୋଲ ତଳୁ ତାଙ୍କ ମୃତଦେହ ଉଦ୍ଧାର କରାଯାଇଛି । ତେବେ ତାଙ୍କ ମୃତ୍ୟୁର କାରଣ ଏ ଯାଏଁ ଅସ୍ପଷ୍ଟ ରହିଛି ।
ଜଳଯୋଗାଣ କର୍ମଚାରୀଙ୍କ ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
ସୂଚନାଯୋଗ୍ୟ, ଭାସ୍କର ସ୍ଥାନୀୟ ଜଳ ଯୋଗାଣ ବିଭାଗରେ କାର୍ଯ୍ୟରତ ଥିଲେ । ବୁଧବାର ଦିନ ସେ କାମକୁ ଯାଇ ଆଉ ଘରକୁ ଫେରିନଥିଲେ । ଆଜି ପତ୍ରଫଡି ପୋଲ ତଳେ ତାଙ୍କ ମୃତଦେହ ପଡିଥିବାର ଦେଖିବାକୁ ମିଳିଥିଲା । ତାଙ୍କର କିପରି ମୃତ୍ୟୁ ଘଟିଲା, ଏନେଇ କିଛି ଜଣାପଡିନଥିବାବେଳେ ମୃତକଙ୍କ ପରିବାର ଲୋକେ କ୍ଷତିପୂରଣ ଓ ପରିବାରରୁ ଜଣକୁ ଚାକିରୀ ଦାବି କରି ସଇଁତଳା ବ୍ଲକ ସମ୍ମୁଖରେ ମୃତଦେହ ରଖି ଧାରଣା ଦେଇଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
