ବଲାଙ୍ଗୀର: ପଦାରେ ପଡିଲା ବିଜେପିର ଗୋଷ୍ଠୀ କନ୍ଦଳ । ବଲାଙ୍ଗୀର ଜିଲ୍ଲାରେ ଆବାସ ଯୋଜନାରେ ବ୍ୟାପକ ଦୁର୍ନୀତି ହୋଇଥିବାର ଅଭିଯୋଗ କରି ଜିଲ୍ଲା ତମାମ ବିଜେପି ଆନ୍ଦୋଳନ କରୁଛି। ଏନେଇ ଶନିବାର ଗୁଡଭେଲା ବ୍ଲକକୁ ମଧ୍ୟ ଘେରିଥିଲା ଦଳ । ହେଲେ ଏହି ବ୍ଲକର ଅଧ୍ୟକ ଜଣେ ବିଜେପି ନେତା ହୋଇଥିବା ବେଳେ ତାଙ୍କୁ ତାଙ୍କର ହିଁ ଦଳ ଲୋକେ ଦୁର୍ନୀତି ଅଭିଯୋଗରେ ଘେରାଉ କରିଥିଲେ । ଏବଂ ଏଥିରେ ବିଜେପିର ଦୁଇ ଗୋଷ୍ଠୀ ମୁହାମୁହିଁ ହେବା ସହ ବିଚ ରାସ୍ତାରେ ଝଗଡ଼ା କରିଥିଲେ ।
ଯାହାର ଭିଡିଓ ଏବେ ଭାଇରାଲ ହୋଇଥିବା ବେଳେ ବିଜେପି ଦଳର ଗୋଷ୍ଠୀ କନ୍ଦଳ ମଧ୍ୟ ସାମନାକୁ ଆସିଛି । ତେବେ ଗୁଡଭେଲା ବ୍ଲକ ଆବାସ ଯୋଜନାରେ ବ୍ୟାପକ ଦୁର୍ନୀତି ହେଉଥିବା ଅଭିଯୋଗରେ ଜିଲ୍ଲା ବିଜେପି ସମ୍ପଦ ମୁକେଶ ଜୈନ୍ ଓ ଟିଟିଲାଗଡ ବିଜେପି ପାର୍ଥି ମହେନ୍ଦ୍ର ସିଂ ଠାକୁରଙ୍କ ନେତୃତ୍ବରେ ଏହି ଘେରାଉ କାର୍ଯ୍ୟକ୍ରମ ଚାଲିଥିଲା । ତେବେ ଏହି ବ୍ଲକର ଅଧ୍ୟକ୍ଷ ତଥା ବିଜେପିର ନେତା ଅଶୋକ ଦୋରା ଏହାକୁ ପ୍ରତିବାଦ କରିଥିଲେ । ଯାହାକୁ ନେଇ ଏବେ ସବୁଠି ଚର୍ଚ୍ଚା ଜୋର ଧରିଛି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
