ବଲାଙ୍ଗୀର: ବିଜେଡି ନେତା ତଥା ବ୍ଲକ ଭାଇସ ଚେୟାରମ୍ୟାନ (ଉପାଧ୍ୟକ୍ଷ)ଙ୍କ ଦବଙ୍ଗଗିରି ! ରାସ୍ତାରେ ଗୋଡ଼ାଇ ଗୋଡ଼ାଇ ଯୁବକଙ୍କୁ ଆକ୍ରମଣ ଅଭିଯୋଗ । ଉପାଧ୍ୟକ୍ଷଙ୍କ ଦବଙ୍ଗଗିରି ସମୟର ଭିଡିଓ ଭାଇରାଲ ହେବାରେ ଲାଗିଛି । ବଲାଙ୍ଗୀର ବେଲାପଡ଼ା ବ୍ଲକ୍ ଉପାଧ୍ୟକ୍ଷ ତଥା ବିଜେଡି ନେତା ଦୁର୍ଯ୍ୟୋଧନ କୁମ୍ଭାରଙ୍କ ନାମରେ ଆସିଛି ଏହି ଅଭିଯୋଗ ।
ଭାଇରାଲ ଭିଡିଓରେ ବିଜେଡି ନେତା ଜଣେ ଯୁବକଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ କରିବା ସହ ଲାତ, ଗୋଇଠା ଏବଂ ଅଶ୍ଳୀଳ ଭାଷାରେ ଗାଳି ଗୁଲଜ କରୁଥିବା ଦେଖିବାକୁ ମିଳିଛି । ସାମାନ୍ୟ ଲାଇଟ୍ ଲିଭାକୁ କେନ୍ଦ୍ର କରି ଉପାଧ୍ୟକ୍ଷ ଦୁର୍ଯ୍ୟୋଧନ ଉତ୍ତେଜିତ ହୋଇ ଜଣେ ଯୁବକଙ୍କୁ ନିସ୍ତୁକ ମାଡ଼ ମାରୁଥିବା ଜଣାପଡିଛି, ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି ।
ଭାଇରାଲ୍ ଭିଡିଓରେ ନୀଳ ରଙ୍ଗର ସାର୍ଟ ପିନ୍ଧି ଯୁବକଙ୍କୁ ନିସ୍ତୁକ ମାଡ଼ ମାରୁଥିବା ବ୍ୟକ୍ତି ଜଣକ ହେଲେ ବଲାଙ୍ଗୀର ଜିଲ୍ଲା ବେଳପଡା ବ୍ଲକ୍ ଉପାଧ୍ୟକ୍ଷ ତଥା ବିଜେଡି ନେତା ଦୁର୍ଯ୍ୟୋଧନ କୁମ୍ଭାର । ରାତ୍ରୀ ସମୟରେ ପଡ଼ାର ଲାଇଟ୍ ଲିଭି ଯାଇଥିଲା । ଏତିକି ବେଳେ ଦୁର୍ଯ୍ୟୋଧନ କୁମ୍ଭାର ସେଠାରେ ପହଞ୍ଚି ଲାଇଟ୍ କିଏ ଲିଭାଇଲା ବୋଲି ଉତ୍ତେଜିତ ପଚାରିବା ସହ ଜଣେ ଯୁବକଙ୍କୁ ନିସ୍ତୁକ ପିଟାମରା କରିଥିଲେ । ଏତିକିରେ ତାଙ୍କ ରାଗ ଶାନ୍ତ ହୋଇନଥିଲା । ଯୁବକଙ୍କୁ ଟାଣି ବିଧା, ଗୋଇଠା ମାରିବା ସହ ଗାଳି ଗୁଲିଜ କରିଥିଲେ ।