ବଲାଙ୍ଗୀର: କଣ୍ଟାବାଞ୍ଜିରେ ଜଣେ ବାଇକ୍ ଆରୋହୀଙ୍କୁ 22,500 ଟଙ୍କା ଜୋରିମାନା ହୋଇଛି । ଆଇନ ଅନୁଯାୟୀ ୫ଟି ନିୟମ ଉଲ୍ଲଂଘନ କରିଥିବାରୁ ବାଇକ୍ ଚାଳକକୁ ଏହି ଜୋରିମାନା ହୋଇଛି । ଏହି ବଡ଼ ଆକାରର ତଣ୍ଡ ଗଣିଛନ୍ତି କଣ୍ଟାବାଞ୍ଜିର ସୁଶାନ୍ତ କୁମାର ମେହେର ।
ନିଜ ଗ୍ରାମ ବେଲପଡ଼ାକୁ ଫେରୁଥିବାବେଳେ କୁର୍ଲି ଛକରେ ପରିବହନ କର୍ମଚାରୀ କାଗଜପତ୍ର ଯାଞ୍ଚ କରିଥିଲେ । ତେବେ ସେ ପରିବହନ କର୍ମଚାରୀଙ୍କୁ ଦୁର୍ବ୍ୟବହାର କରିଥିଲେ ବୋଲି ମଧ୍ୟ ଅଭିଯୋଗ ହୋଇଛି । ପରେ ଆଇନ ଅମାନ୍ୟ କରିଥିବା ଓ ଦୁର୍ବ୍ୟବହାର ପାଇଁ ପରିବହନ ବିଭାଗ ତାଙ୍କ ଉପରେ ୨୦୦୦ ଟଙ୍କା ଜୋରିମାନା କରିଛନ୍ତି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ସେହିପରି ସାଧାରଣ ନିୟମ ଉଲ୍ଲଂଘନ କରିଥିବାରୁ ୫୦୦, ବୈଧ ଡ୍ରାଇଭିଂ ଲାଇସେନ୍ସ ନଥିବାରୁ ୫୦୦୦, ନିର୍ଦ୍ଧାରିତ ବେଗଠାରୁ ଅଧିକ ବେଗରେ ଗାଡ଼ି ଚଲାଉଥିବାରୁ ୫୦୦୦ ଓ ମଦ ପିଇ ଗାଡ଼ି ଚଲାଉଥିବାରୁ ୧୦,୦୦୦ ଜୋରିମାନା କରିଛି ପରିବହନ ବିଭାଗ ।
ବଲାଙ୍ଗୀରରୁ ଶେଖ ମଦମ୍ମଦ ୱାହିଦ, ଇଟିଭି ଭାରତ
