ବଲାଙ୍ଗୀର: ଜିଲ୍ଲାରେ ମହିଳାଙ୍କ ପ୍ରତି ବଢ଼ୁଛି ହିଂସା । ଅନେକ ମାମଲାରେ ଏଯାଏଁ ପୋଲିସ ହାତ ଖାଲି ଥିବାବେଳେ କିଛି ମାମଲାରେ ମୃତ ମହିଳାଙ୍କ ପରିଚୟ ମଧ୍ୟ ଜାଣି ପାରୁନାହିଁ ପୋଲିସ । ସଇଁତଳା ଅଞ୍ଚଳରୁ ଉଦ୍ଧାର ହୋଇଥିବା ମହିଳାଙ୍କ କଙ୍କାଳ ସମ୍ପର୍କରେ ସୂଚନା ପାଇଁ ଦଶ ହଜାର ଟଙ୍କା ପୁରସ୍କାର ରାଶି(Cash Prize) ଘୋଷଣା କରାଯାଇଛି । ତେବେ ପୋଲିସର ଏଭଳି ଅପାରଗତାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି ।
ବିଗତ କିଛି ବର୍ଷ ମଧ୍ୟରେ ସଇଁତଳା ଅଞ୍ଚଳରୁ ଅନେକ ମହିଳାଙ୍କ ମୃତଦେହ ମିଳିଛି । ଜୁଲାଇ ୨୦୧୫ରେ ବରଗାଁ ଛକରୁ ଜଣେ ଯୁବତୀଙ୍କ ଦରପୋଡ଼ା ମୃତଦେହ ଉଦ୍ଧାର ହୋଇଥିଲା । ଏହି ଘଟଣାକୁ ୭ ବର୍ଷ ବିତି ଥିବା ବେଳେ ପୋଲିସ ଏଯାଏଁ ମୃତ ଯୁବତୀଙ୍କର ପରିଚୟ ମଧ୍ୟ ଜାଣି ପାରି ନାହିଁ । ସେହିଭଳି ୨୦୨୧ରେ ବିବିନା ଛକରୁ ଜଣେ ମହିଳାଙ୍କ କଙ୍କାଳ(Woman Skeleton) ଉଦ୍ଧାର ହୋଇଥିଲା ।
ଏଥିରେ ମଧ୍ୟ ପୋଲିସ କୌଣସି ସୁରାକ ପାଇ ନଥିବାବେଳେ ଏବେ ମହିଳାଙ୍କ ପରିଚୟ ଜାଣିବା ପାଇଁ ସମ୍ଭାବ୍ୟ ସ୍କେଚ୍ ଜାରି କରିବା ସହ ସୂଚନା ପାଇଁ 10 ହଜାର ଟଙ୍କା ପୁରସ୍କାର ରାଶି ଘୋଷଣା କରିଛି । BJP ଯୁବନେତା ହିତେଶ ସାହୁ ଏହାକୁ ନେଇ ପୋଲିସ ଉପରେ ଦୋଷାରୋପ କରିବା ସହ ଆଇନ ଶୃଙ୍ଖଳା ପରିସ୍ଥିତି ବିଗିଡି ଯାଇଥିବା ଅଭିଯୋଗ କରିଛନ୍ତି ।
ଇଟିଭି ଭାରତ, ବଲାଙ୍ଗୀର