ବଲାଙ୍ଗୀର: ଜିଲ୍ଲାରେ ପୁଣି ଜଣେ କୋରୋନା ପଜିଟିଭ ଚିହ୍ନଟ ହୋଇଛି । ଏଥିସହ ଶନିବାର ମୋଟ ଆକ୍ରାନ୍ତଙ୍କ ସଂଖ୍ୟା 9ରେ ପହଞ୍ଚିଛି । ଚିହ୍ନଟ ଆକ୍ରାନ୍ତ ବଲାଙ୍ଗୀର ସଇଁତଲା ବ୍ଲକ ଅନ୍ତର୍ଗତ ଟିକ୍ରାପଡ଼ାର ବୋଲି ଜଣାପଡିଛି ।
ସମ୍ପୃକ୍ତ ଆକ୍ରାନ୍ତ ଜଣକ ଗତ 18 ତାରିଖରେ ତେଲେଙ୍ଗାନାରୁ ବଲାଙ୍ଗୀର ଆସି ଏଠାକାର ସଙ୍ଗରୋଧ କେନ୍ଦ୍ରରେ ରହୁଥିଲେ । ତାଙ୍କର ସ୍ୱାବ ଟେଷ୍ଟ ପାଇଁ ପଠାଯାଇଥିବା ବେଳେ ଶନିବାର ସେ କୋରୋନା ପଜିଟିଭ ଥିବା ଜଣାପଡିଛି ।
ବଲାଙ୍ଗୀରରେ ପୁଣି ଜଣେ କୋରୋନା ପଜିଟିଭ ଚିହ୍ନଟ, ମୋଟ ସଂଖ୍ୟା 9କୁ ବୃଦ୍ଧି
ଆକ୍ରାନ୍ତଙ୍କୁ ଭୁବନେଶ୍ୱର କିମ୍ସ ଡାକ୍ତରଖାନାକୁ ଚିକିତ୍ସା ପାଇଁ ପଠାଯାଇଥିବା ବେଳେ ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ଚିହ୍ନଟ ଚାଲିଛି । ତେବେ ଘଟଣାକୁ ନେଇ କୌଣସି ସ୍ଥାନକୁ କଣ୍ଟେନମେଣ୍ଟ ଜୋନ ଭାବରେ ଘୋଷଣା କରାଯାଇନାହିଁ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
