ବଲାଙ୍ଗୀର: 19 ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରା ପଡିଲେ ସୁପର ଭାଇଜର । ବକେୟା ବିଲ କରିବାକୁ ଲାଞ୍ଚ ନେଇ ଭିଜିଲାନ୍ସ ହାତରେ ଧରା ପଡ଼ିଛନ୍ତି ଅଙ୍ଗନବାଡ଼ି ସୁପର ଭାଇଜର । ବଲାଙ୍ଗୀର ଆଗଲପୁର ବ୍ଲକ ଅନ୍ତର୍ଗତ ରାଉତ ଡିଭିଜନରେ କାର୍ଯ୍ୟରତ ଥିବା ଅଙ୍ଗନବାଡ଼ି ସୁପର ଭାଇଜର କୁନି ନାଏକଙ୍କୁ ଗିରଫ କରିଛି ଭିଜିଲାନ୍ସ ।
ଆଗଲପୁର ବ୍ଲକ ଅନ୍ତର୍ଗତ ରାଉତ ଡିଭିଜନରେ ଆଠଜଣ ଅଙ୍ଗନବାଡ଼ି କର୍ମୀ ତାଙ୍କ ଅଙ୍ଗନବାଡ଼ି ପରିଚାଳନା ପାଇଁ ଟଙ୍କା ସୁପର ଭାଇଜରଙ୍କୁ ମାଗିଥିଲେ । ବକେୟା ଥିବା ଟଙ୍କାର ଲାଞ୍ଚ ମାଗିଥିଲେ ସୁପର ଭାଇଜର ଯାହାର ଅଭିଯୋଗ ଅଙ୍ଗନବାଡ଼ି କର୍ମୀ ଭିଜିଲାନ୍ସ ପାଖରେ କରିଥିଲେ । ମଙ୍ଗଳବାର ଯୋଜନା ବଦ୍ଧ ଭାବରେ ଭିଜିଲାନ୍ସ ସୁପର ଭାଇଜର କୁନି ନାଏକଙ୍କ ଟଙ୍କା ସହ ଗିରଫ କରିଛି । ଏବଂ ତାଙ୍କର ବାସ ଭବନ ସହିତ ବ୍ଲକ କାର୍ଯ୍ୟାଳୟରେ ଚଢାଉ ଜାରି ରଖିଛି ଭିଜିଲାନ୍ସ ବିଭାଗ ।
ଇଟିଭି ଭାରତ, ବଲାଙ୍ଗୀର
