ବଲାଙ୍ଗୀର: ସୁବର୍ଣ୍ଣପୁର-ବରଗଡ-ବଲାଙ୍ଗୀର ସୀମାବର୍ତ୍ତି ଅଞ୍ଚଳରେ ଆତଙ୍କ ମଚାଇଛି ଏକ ପାଗଳ ହାତୀ । ଲୋକଙ୍କୁ ଭୟଭୀତ କରିବା ସହ ବହୁ ଧନ ଜୀବନ ନଷ୍ଟ କରୁଥିବା ଅଭିଯୋଗ ହୋଇଛି । ଫଳରେ ତୁରନ୍ତ ହାତୀକୁ ଘଉଡାଇବା ପାଇଁ ଦାବି କରିଛନ୍ତି ସ୍ଥାନୀୟ ଲୋକେ ।
ସୂଚନା ଅନୁଯାୟୀ ହାତୀଟି ବଲାଙ୍ଗୀର ଜିଲ୍ଲା ଲୋଇସିଂହା ଦର୍ଲୀପାଲି ଠାରେ ଜଣେ ଲୋକଙ୍କୁ ଦଳି ମାରିଦେଇ ଥିବାବେଳେ ଲୋକଙ୍କ ଫସଲ ମଧ୍ୟ ନଷ୍ଟ କରିଛି । ସମାନ ଭାବରେ ବରଗଡ ଗାଇସିଲଟ ଅଞ୍ଚଳରେ ମଧ୍ୟ ତିନି ଜଣଙ୍କୁ ମାରି ସାରିଲାଣି ହାତୀ । ତେବେ ଦଶ ଦିନ ମଧ୍ୟରେ ଏହି ହାତୀ 8 ଜଣଙ୍କ ଜୀବନ ନେବା ସହ ବ୍ୟାପକ ଫସଲ ନଷ୍ଟ କରିସାରିଛି । ଯାହାକୁ ନେଇ ସୀମାବର୍ତ୍ତି ଅଞ୍ଚଲରେ ଥିବା ଗ୍ରାମବାସୀ ଭୟବିତ ଥିବା କହିଛି ବଲାଙ୍ଗୀର କେଶରିଆ ହିନ୍ଦୁ ସଙ୍ଗଠନ । ଫଳରେ ସଙ୍ଗଠନ ତୁରନ୍ତ ହାତୀକୁ ଅନ୍ୟତ୍ର କରିବା ପାଇଁ ବଲାଙ୍ଗୀର ବନ ଅଧିକାରୀଙ୍କ ନିକଟରେ ଦାବି କରିଛି । ଏନେଇ ବନ ବିଭାଗ ଉପରସ୍ତ ଅଧିକାରୀଙ୍କୁ ଜଣାଇବ ବୋଲି ପ୍ରତିଶ୍ରୁତି ଦେଇଛନ୍ତି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
