ବଲାଙ୍ଗୀର: ଜିଲ୍ଲାର ଏକ ଜଳ ପ୍ରକଳ୍ପରୁ ଅଜଣା ମହିଳାଙ୍କ ମୃତଦେହ ଉଦ୍ଧାର ହୋଇଛି । ବେଳପଡା ଦୁଙ୍ଗୁରୀପାଲି ଜଳ ପ୍ରକଳ୍ପରୁ ଜଣେ ମହିଳାଙ୍କ ମୃତଦେହ ଭାସୁଥିବାର ଗ୍ରାମବାସୀ ଦେଖିଥିଲେ । ପରେ ଏନେଇ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ବେଳପଡା ପୋଲିସ, ପାଟଣାଗଡ଼ ଏସଡିପିଓ ଓ ସାଇଟିଫିକ ଟିମ୍ ପହଞ୍ଚି ମୃତଦେହ ଉଦ୍ଧାର କରିଥିଲେ।
ମହିଳାଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
ତେବେ ମହିଳାଙ୍କ ଦେହରେ ଏକ ବଡ଼ ପଥର ବନ୍ଧା ଯାଇଥିଲା । ଯାହା ଦେଖି ଏହା ଏକ ହତ୍ୟାକାଣ୍ଡ ବୋଲି ପୋଲିସ ସନ୍ଦେହ କରିଛି। ସେପଟେ ମହିଳାଙ୍କ ପରିଚୟ ଏଯାଏଁ ମିଳି ନ ଥିବା ବେଳେ ପୋଲିସ ତଦନ୍ତ ଜାରି ରଖିଛି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
