ବଲାଙ୍ଗୀର: ବଲାଙ୍ଗୀରରେ ଶନିବାର ବଜ୍ରାଘାତରେ ପାଞ୍ଚ ଗୋରୁଙ୍କ ମୃତ୍ୟୁ ହୋଇଥିବା ଜଣାପଡିଛି । ସ୍ଥାନୀୟ ବାଙ୍ଗୁମୁଣ୍ଡା ବ୍ଲକ ଗୋବିନ୍ଦପୁର ଗ୍ରାମରେ ଏହି ଘଟଣା ଘଟିଛି । ତେବେ ସମ୍ପୃକ୍ତ ଗ୍ରାମର ବେଦବର କୁମ୍ବାହରଙ୍କ ଗୋରୁମାନେ ଅପରାହ୍ନରେ ଚରୁଥିବା ସମୟରେ ବର୍ଷା ପବନ ହେବା ସହ ବଜ୍ରପାତ ହୋଇଥିଲା ।
ବଜ୍ରାଘାତରେ 5 ଗୋରୁ ମୃତ, ଅସହାୟ ମାଲିକ
ଏହି ସମୟରେ ଗୋରୁମାନେ ଏକ ଗଛ ତଳେ ଆଶ୍ରୟ ନେଇଥିବା ବେଳେ ଗଛରେ ବଜ୍ରାଘାତ ହୋଇଥିଲା । ଯେଉଁଥିରେ ପାଞ୍ଚଟି ଗୋରୁଙ୍କ ମୃତ୍ୟୁ ହୋଇଥିଲା । ଗୋରୁ ପାଳି ଜୀବିକା ମେଣ୍ଟାଉଥିବା ବେଦବର ଘଟଣାରେ ଅସହାୟ ହୋଇପଡି ସରକାରୀ ସାହାଯ୍ୟ ଦାବି କରିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
