ବଲାଙ୍ଗୀର: ଜିଲ୍ଲାରେ ପୁଣି 2 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏଥିସହ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା 6ରେ ପହଞ୍ଚିଛି । ଚିହ୍ନଟ 2 ଜଣ ବଲାଙ୍ଗୀର ବନ୍ଦପଡା ପଞ୍ଚାୟତର ହୋଇଥିବା ବେଳେ ଉଭୟ ସୁରତ ଫେରନ୍ତା ବୋଲି ଜଣାପଡିଛି ।
ବଲାଙ୍ଗୀରରେ ଆଉ 2 କୋରୋନା ପଜିଟିଭ ଚିହ୍ନଟ, ମୋଟ ସଂଖ୍ୟା 6କୁ ବୃଦ୍ଧି
ଏହି ଦୁଇ ଜଣ ଯୁବକ ଗତ 7 ତାରିଖରେ ବଲାଙ୍ଗୀର ଆସିଥିଲେ । ଏଠାରେ ଥିବା ସଙ୍ଗରୋଧ କେନ୍ଦ୍ର ରହୁଥିଲେ । ତେବେ ଏମାନେ କୋରୋନା ଆକ୍ରାନ୍ତ ଜଣାପଡ଼ିବା ପରେ 2 ଜଣଙ୍କୁ ଭୁବନେଶ୍ୱର କିମ୍ସ ଡାକ୍ତରଖାନାକୁ ପଠାଇ ଦିଆଯାଇଛି ।
ସେହିପରି ଏମାନେ ସଙ୍ଗରୋଧରେ ଥିବାରୁ କୌଣସି ଅଞ୍ଚଳ କଣ୍ଟେନମେଣ୍ଟ ଜୋନ୍ କରାଯିବ ନାହିଁ ବୋଲି ପ୍ରଶାସନ କହିଛି । ଏମାନଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ପରୀକ୍ଷା ପାଇଁ ପଦକ୍ଷେପ ନିଆଯାଉଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
