ବଲାଙ୍ଗୀର: ଜିଲ୍ଲାରେ ପୁଣି ଗୋଟିଏ ଦିନରେ 14 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାପରେ ଜିଲ୍ଲାରେ ମୋଟ ଆକ୍ରାନ୍ତ ସଂଖ୍ୟା 38କୁ ଛୁଇଁଛି । ସେହିପରି କେବଳ ବଲାଙ୍ଗୀର ସହର ମଧ୍ୟରେ 11 ଜଣ କୋରୋନା ପଜିଟିଭ ଏଯାଏଁ ଚିହ୍ନଟ ହୋଇଛନ୍ତି ।
ସଂକ୍ରମିତଙ୍କ ମଧ୍ୟରୁ ଟିଟିଲାଗଡ଼ ବ୍ଲକ ସିଲୁଆନ ପଞ୍ଚାୟତର 2 ଜଣ, ଦଙ୍ଗାର ପଡା ମୁରିବାହାଲ ବ୍ଲକରୁ ଜଣେ, ଧୂମାଭଟା ପଞ୍ଚାୟତ ବେଳପଡ଼ା ବ୍ଲକରୁ ଜଣେ, ମହାଖଣ୍ଡ ପଂଚାୟତ ତୁରେକେଲା ବ୍ଲକରୁ 2 ଜଣ ମୁମ୍ବାଇ ଫେରନ୍ତା । ସେହିପରି ମାନହୀରା ପଞ୍ଚାୟତ ମୁରିବାହାଲ ବ୍ଲକରୁ ଜଣେ ତାମିଲନାଡୁ ଫେରନ୍ତା, ଓ ବଲାଙ୍ଗୀର ସହର ମୁନୁସିପାଲିଟି ଅଞ୍ଚଳର ରାଧାରାଣୀ ପଡ଼ାର 7 ଜଣ କୋଲକାତା ଫେରନ୍ତାଙ୍କୁ ମିଶାଇ ଗୋଟିଏ ଦିନରେ 14 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ତେବେ ସମସ୍ତ କୋରୋନା ଆକ୍ରାନ୍ତ ବିଭିନ୍ନ କ୍ବାରେଣ୍ଟାଇନ କେନ୍ଦ୍ରରେ ଥିଲେ। ମଙ୍ଗଳବାର ଆଜି ଏମାଙ୍କର କୋରୋନା ପଜିଟିଭ ଆସିବା ପରେ ସମସ୍ତଙ୍କୁ ଭୁବନେଶ୍ୱର ସ୍ଥିତ କୋଭିଡ ହସ୍ପିଟାଲ କୁ ଚିକିତ୍ସା ପାଇଁ ପଠାଇ ଦିଆଯାଇଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
