ଅନୁଗୋଳ: ଡାକ୍ତରଖାନାର ଛଅ ମହଲାରୁ ଡେଇଁ ଜୀବନ ହାରିଲେ ରୋଗୀ । ଏଭଳି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ । ଆତ୍ମହତ୍ୟା କରିଥିବା ଅନୁମାନ କରାଯାଉଥିବା ବେଳେ ଏବେ ସୁଦ୍ଧା ମୃତ୍ୟୁର କାରଣ ଜଣାପଡିନାହିଁ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ତେବେ ଗୁରୁବାର ରାତିରେ ଦେହ ଅସୁସ୍ଥ କାରଣରୁ ମେଡିସିନ୍ ଓ୍ବାର୍ଡରେ ତାଙ୍କୁ ଆଡମିଟ କରାଯାଇଥିଲା । ପରିବାର ଲୋକମାନଙ୍କ କହିବାନୁଯାୟୀ ଟୁନାର ଦେହ ଅସୁସ୍ଥ ଥିବାରୁ ପ୍ରଥମେ ଗଁଦିଆ ମେଡିକାଲଠାରେ ଦେଖାଇଥିଲେ ଓ ପରେ ଢେ଼ଙ୍କାନାଳ ମୁଖ୍ୟ ଚିକିତ୍ସାଳୟକୁ ଆଣିଥିଲେ । ମୃତ ରୋଗୀ ଜଣକ ଗଁଦିଆ ଥାନା ମହୁଲଖୋଳି ଗାଁ ଟୁନା ବେହେରା ବୋଲି ଜଣାପଡିଛି ।
ଶୁକ୍ରବାର ସକାଳୁ ସୁସ୍ଥ ଅନୁଭବ କରିବାରୁ ସେ ବାହାରେ ବୁଲିବାକୁ ଯାଇଥିଲେ କିନ୍ତୁ ସେ ୬ ମହଲାରୁ କାହିଁକି ଡେଇଁଲେ ତାହା ଜଣାପଡୁନାହିଁ । ଘଟଣା ସ୍ଥଳରେ ଟାଉନଥାନା ପୋଲିସ ପହଞ୍ଛି ତଦନ୍ତ ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
