ଅନୁଗୋଳ: ଶୌଚ ହେବାକୁ ଯିବାବେଳେ ହାତୀ ଆକ୍ରମଣରେ ମହିଳାଙ୍କର ମୃତ୍ୟୁ ହୋଇଛି । ଅନୁଗୋଳର ଆଠମଲ୍ଲିକ ବନଖଣ୍ଡ ନଅଗାଁ ପଞ୍ଚାୟତ ନୂଆଁଗଡ ଗାଁରେ ଆଜି ଭୋରରେ ଏହି ଘଟଣା ଘଟିଛି।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ମୃତ ମହିଳା ଜଣଙ୍କ ନୂଆଁଗଡ଼ ଗାଁର ସୁବାସିନୀ ନାୟକ ବୋଲି ଜଣାପଡିଛି । ସୁବାସିନୀ ଆଜି ସକାଳୁ ଘରୁ ବାହାରି ଶୌଚ ହେବାକୁ ଯାଉଥିବା ସମୟରେ ହଠାତ ତାଙ୍କୁ ଏକ ହାତୀ ଆକ୍ରମଣ କରିଥିଲା । ଫଳରେ ସୁବାସିନୀଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି ।
ତେବେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ହାତୀ ଘଉଡାଇବା ଓ କ୍ଷତିପୂରଣ ଦାବିରେ ସ୍ଥାନୀୟ ଲୋକ ରାସ୍ତା ଅବରୋଧ କରିଥିଲେ । ପରେ ବନବିଭାଗ ଘଟଣାସ୍ଥଳରେ ପହଞ୍ଚି ବୁଝାସୁଝା କରି ପ୍ରତିଶୃତି ଦେବା ପରେ ରାସ୍ତା ଅବରୋଧ ହଟିଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
