ଅନୁଗୋଳ: ଗ୍ରାମବାସୀଙ୍କ ଚିନ୍ତା ବଢାଇଛି ସହରର ଗୋରୁଗାଈ । ବୁଲା ଗାଈଗୋରୁ ଓ ଷଣ୍ଢ ଫସଲ ଉଜାଡିବା ସହ ବ୍ୟାପକ ନଷ୍ଟ କରୁଥିବା ଅଭିଯୋଗ ହୋଇଛି । ଯାହାକୁ ନେଇ ଅନୁଗୋଳ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି ଗ୍ରାମବାସୀ ।
ଗାଈଗୋରୁଙ୍କ ବିରୁଦ୍ଧରେ ଦାବିପତ୍ର
ସହର ଲୋକଙ୍କ ଗାଈ ତଳି ଗାଁର ଚାଷୀ କ୍ଷେତରେ ପଶି ଫସଲ ଖାଇବା ସହ ନଷ୍ଟ କରିଦେଉଛନ୍ତି । ଅନୁଗୋଳ ଜିଲ୍ଲାର ବଅଁରପାଳ ବ୍ଲକ କୁମଣ୍ଡ ଗାଁ ଫସଲ ସୁରକ୍ଷା କମିଟି ବୁଲା ଗାଈଗୋରୁଙ୍କ ଉପଦ୍ରବରୁ ସେମାନଙ୍କ ଫସଲକୁ ସୁରକ୍ଷା ଦେବାକୁ ଦାବି କରିଛନ୍ତି ।
ଏନେଇ ଏକ ଦାବିପତ୍ର ଉପଜିଲ୍ଲାପାଳଙ୍କୁ ପ୍ରଦାନ କରାଯାଇଛି । ଏହାଛଡା ଉପଯୁକ୍ତ ମୁଲ୍ୟରେ ଚାଷୀଙ୍କୁ ୟୁରିଆ ସାର ଯୋଗାଇ ଦେବାକୁ ଦାବି କରାଯାଇଛି । ଯଦି ଆଗାମୀ ଦିନରେ ସହର ଗାଈ ଗାଁ ଚାଷୀର ଫସଲ ଉଜାଡେ, ତେବେ ବଡଧରଣର ଆନ୍ଦୋଳନ କରିବେ ବୋଲି ଧମକ ଦେଇଛନ୍ତି ଆନ୍ଦୋଳନକାରୀ ଗ୍ରାମବାସୀ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
