ଅନୁଗୋଳ: ନିର୍ବାଚନରେ ହାର ଜିତ ଅଛି । ତେଣୁ ନିର୍ବାଚନରେ ହାରିଲେ ମନବଳ ଭାଙ୍ଗିବା କଥା ନୁହେଁ । ଏଭଳି କହି ଉଭୟ ନିର୍ବାଚନ ହାରିଥିବା ଓ ଜିତିଥିବା ନେତାଙ୍କ ମନ ଦୃଢ଼ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ନିକଟରେ ଶେଷ ହୋଇଥିବା ପୌର ଓ ପଞ୍ଚାୟତ ନିର୍ବାଚନରେ ଭାରତୀୟ ଜନତା ପାର୍ଟି ସେତଟା ଭଲ ପଦର୍ଶନ ନକରିଥିଲେ ବି ଦଳୀୟ କର୍ମୀଙ୍କ ମନବଳ ଦୃଢ଼ କରାଇଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଅନୁଗୋଳ ଜିଲ୍ଲା ଗ୍ରସ୍ତରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୁରୁବାର ଦଳୀୟ କାର୍ଯ୍ୟାଳୟରେ ଦଳ ପକ୍ଷରୁ ପ୍ରାର୍ଥୀ ହୋଇଥିବା ସବୁ ନେତାଙ୍କୁ ସମ୍ବର୍ଦ୍ଧିତ କରିଛନ୍ତି ।
ଯେଉଁମାନେ ବିଜୟୀ ହୋଇଛନ୍ତି ଓ ଯେଉଁମାନେ ପରାଜିତ ହୋଇଛନ୍ତି ସେମାନେ କିଭଳି ଦଳରେ ରହି କାର୍ଯ୍ୟଧାରାକୁ ଆଗକୁ ନେବେ ଓ ଆଗକୁ ବିଜୟୀ ହେବେ ତାର ଗରୁ ମନ୍ତ୍ର ଦେଇଛନ୍ତି ଧର୍ମେନ୍ଦ୍ର । ଆଜି ସେ ତାଳଚେର ଗସ୍ତ କରି ହିଙ୍ଗୁଳାଙ୍କ ଦର୍ଶନ କରିବେ । ଏହାପରେ ତାଳଚେର ଅଞ୍ଚଳର ଯେଉଁ ଦୁଇଟି ସ୍ଥାନରେ ଦୁଇଟି ନୂତନ କେନ୍ଦ୍ରୀୟ ବିଦ୍ୟାଳୟ ନିର୍ମାଣ ହେବ ସେହି ସ୍ଥାନ ପରିଦର୍ଶନ କରିବେ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ
