ଅନୁଗୋଳ: ଅନୁଗୋଳରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବାବେଳେ ୩ ଜଣ ଗୁରୁତର ଭାବେ ଆହତ ହୋଇଛନ୍ତି । ଘଟଣା ଘଟିଛି ସଦର ଥାନା ବାଳୁଅକଟା ଛକ ନିକଟରେ । ମୃତକମାନେ ହେଲେ ଅନୁଗୋଳ ଟାଉନ୍ ଥାନା ରାଣିଗୋଡା ଗାଁର ପପୁ ସାହୁ ଓ ତାଙ୍କ ଭାଣିଜୀ ।
ପପୁ ବାଇକ ଯୋଗେ ବନ୍ତଳା ଅଞ୍ଚଳରୁ ୨ ମହିଳା ଓ ୧୦ ବର୍ଷର ବାଳିକାଙ୍କୁ ନେଇ ଅନୁଗୋଳ ଅଭିମୁଖେ ଆସୁଥିବାବେଳେ ବିପରୀତ ଦିଗରୁ ଦ୍ରୁତଗତି ରେ ଆସୁଥିବା ଅଟୋ ସହ ଧକ୍କା ହୋଇଥିଲା ।
ଏହାମଧ୍ୟ ପଢନ୍ତୁ: Vigilance Trap: ଲାଞ୍ଚ ନେଇ ଫସିଗଲେ PEO, ମାଡି ବସିଲା ଭିଜିଲାନ୍ସ
ଅଟୋର ଚାଳକ ଭାରସାମ୍ୟ ହରାଇ ବାଇକ୍କୁ ଧକ୍କା ଦେଇଥିଲେ। ଫଳରେ ଘଟଣାସ୍ଥଳରେ ହିଁ ବାଇକ୍ ଆରୋହୀ ଓ ବାଳିକାର ମୃତ୍ୟୁ ହୋଇଥିଲା। ଅଟୋ ଚାଳକ ଓ ବାଇକ୍ ଥିବା ୨ ମହିଳା ଆହତ ହୋଇଛନ୍ତି ।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତ ୩ ଜଣଙ୍କୁ ଅନୁଗୋଳ ଜିଲ୍ଲା ମୁଖ୍ୟ ଡାକ୍ତରଖାନାକୁ ପଠାଇ ତଦନ୍ତ ଆରମ୍ଭ କରିଛି । ଦୁର୍ଘଟଣା ପରେ ଅଞ୍ଚଳରେ ଚାପା ଉତ୍ତେଜନା ଦେଖାଯାଇଥିବାବେଳେ ଉଭୟ ପାର୍ଶ୍ବରୁ ଯାନବାହନ ଚଳାଚଳ ବନ୍ଦ ରହିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
