ଅନୁଗୋଳ: ରାଷ୍ଟ୍ରାୟତ ଉଦ୍ୟୋଗ ଏନଟିପିସିର ସଡକ ସୁରକ୍ଷା ଚିନ୍ତା । ଆଜି ଜାତୀୟ ସଡକ ସୁରକ୍ଷା ମାସର ଶେଷ ଦିନରେ ନିଜର କର୍ମଚାରୀଙ୍କୁ ସଡକ ସୁରକ୍ଷା ନେଇ ସଚେତନ କରିଛି ଏହି ରାଷ୍ଟ୍ରାୟତ କମ୍ପାନୀ । ଅନୁଗୋଳ ତାଳଚେର କଣିହାଁ ୟୁନିଟ ପକ୍ଷରୁ ଏଥିପାଇଁ ଏକ ସଚେତନତା ରାଲିର ଆୟୋଜନ କରାଯିଛି ।
ପ୍ଲାଣ୍ଟ ପରିସରରେ ସଡକ ସୁରକ୍ଷା ମହୋତ୍ସବ ସମାରୋହରେ, ସୁରକ୍ଷା ବିଭାଗ ପକ୍ଷରୁ ଆୟୋଜିତ ହୋଇଯାଇଛି । ପ୍ଲାଣ୍ଟ ପରିସର ମଧ୍ୟରେ ଏକ ଜନ ସୁରକ୍ଷା ପଦଯାତ୍ରା ଆୟୋଜନ କରିଥିଲା । ଏଥିରେ ସଡକ ସୁରକ୍ଷା ନିରାପତ୍ତାର ଉପରେ ଗୁରୁତ୍ୱ ଦିଆଯାଇଥିଲା । ଏହି ପଦଯାତ୍ରା ଦ୍ୱିତୀୟ ପର୍ଯ୍ୟାୟ ସେବା ଭବନରୁ ଆରମ୍ଭ ହୋଇଥିବା ବେଳେ ୟୁନିଟର ସିଜିଏମ୍ ସୁଦୀପ ନାଗଙ୍କ ଏହାର ଶୁଭାରମ୍ଭ କରିଥିଲେ । ନିଜ କର୍ମଚାରୀଙ୍କ ସୁରକ୍ଷା ଓ ନିରାପତ୍ତାକୁ ଦୃଷ୍ଟିରେ ରାଖି ସେମାନଙ୍କୁ ସଚେତନ କରିବା ଲକ୍ଷ୍ୟରେ ଏହି କାର୍ଯ୍ୟକ୍ରମ ଆୟୋଜନ ହୋଇଥିଲା । ଏଥିରେ କମ୍ପାନୀର ଅନ୍ୟ ଅଧିକାରୀ ଓ କର୍ମଚାରୀମାନେ ସାମିଲ ହୋଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
