ଆନୁଗୋଳ: କୋରୋନା ସଂକ୍ରମଣ ଭୟରେ ସିଲ ହେଲା ଗେଷ୍ଟ ହାଉସ । ଅନୁଗୋଳ ଜିଲ୍ଲା ତାଳଚେରରେ ଗେଷ୍ଟ ହାଉସ ସିଲ କଲା ପ୍ରଶାସନ । ଗେଷ୍ଟ ହାଉସ ଏକ କୋରୋନା ଆକ୍ରାନ୍ତ ଚିହ୍ନଟ ହୋଇଥିଲେ ।
ସଂକ୍ରମଣ ଭୟରେ ସିଲ ହେଲା ତାଳଚେର ଗେଷ୍ଟ ହାଉସ
ଦିନକୁ ଦିନ ତାଳଚେର ଶିଳ୍ପାଞ୍ଚଳରେ ବଢି ଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏଭଳି ସ୍ଥଳରେ ପ୍ରଶାସନ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛନ୍ତି ବାହାରୁ ଆସୁଥିବା ଲୋକ । ଗତ କିଛି ଦିନରେ ଆକ୍ରାନ୍ତଙ୍କ ସଂଖ୍ୟା ବଢି ବଢି ଚାଲିଛି । ମଙ୍ଗଳବାର ତାଳଚେର ଅଞ୍ଚଳରୁ ଦୁଇ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ସେଥି ମଧ୍ୟରୁ ଜଣେ ତାଳଚେର ହାଟତୋଟା ସ୍ଥିତ ମଲ୍ଲିକା ଗେଷ୍ଟ ହାଉସରେ ରହୁଥିଲେ । ତେବେ ଏହାକୁ ନେଇ ପ୍ରଶାସନ ପକ୍ଷରୁ ତତ୍ପର ପ୍ରକାଶ ପାଇଛି । ଘଟଣା ସ୍ଥଳରେ ପ୍ରଶାସନ ପହଞ୍ଚି ଗେଷ୍ଟ ହାଉସକୁ ସାନିଟାଇଜ କରିବା ସହ ଚାରି ଦିନ ପାଇଁ ଗେଷ୍ଟ ହାଉସକୁ ସିଲ କରିଛି । ତେବେ ଆଗାମୀ ଚାରିଦିନ ପାଇଁ ଗେଷ୍ଟ ହାଉସ ପାଖା ପାଖି ନ ଯିବାକୁ ମଧ୍ୟ ଲୋକଙ୍କୁ ସୂଚନା ଦିଆଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
