ଅନୁଗୋଳ: ସ୍କୁଲରେ ଅଘଟଣ । ମଧ୍ୟାହ୍ନ ଭୋଜନ ଖାଇ ଛାତ୍ରଛାତ୍ରୀ ଅସୁସ୍ଥ । ଘଟଣା ଘଟିଛି ଢେଙ୍କାନାଳ ଜିଲ୍ଲା ପରଜଙ୍ଗ କୁଲେଇ ଉଚ୍ଚ ପ୍ରାଥମିକ ବିଦ୍ୟାଳୟରେ । 30ରୁ ଅଧିକ ଜଣ ଛାତ୍ରଛାତ୍ରୀ ସ୍କୁଲରେ ଦିଆଯାଉଥିବା ମଧ୍ୟାହ୍ନ ଭୋଜନ ଖାଇବା ପରେ ଅସୁସ୍ଥ ହୋଇ ପଡିଥିଲେ l
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ତେବେ ସେମାନେ ଖାଇଥିବା ଭାତରେ ଏକ ବିଷାକ୍ତ ବୁଢିଆଣୀ ପଡିଥିବାର ଜଣା ପଡିଥିଲା l ଏହି ସୂଚନା ପାଇ ଅଭିଭାବକମାନେ ସେମାନଙ୍କର ଅସୁସ୍ଥ ପିଲାଙ୍କୁ ତାଳଚେର ଉପଖଣ୍ଡ ସରକାରୀ ଡାକ୍ତରଖାନାରେ ଭର୍ତ୍ତି କରିଥିଲେ । ସେହି ଖାଦ୍ୟ ଖାଇ ପିଲାଙ୍କ ମୁଣ୍ଡ ବୁଲାଇବା ସହ ବାନ୍ତି ଏବଂ ଗଳା ଦରଜ ଆଦି ପାର୍ଶ୍ଵ ପ୍ରତିକ୍ରିୟା ଦେଖା ଯାଇଥିଲା ।
ତେବେ ପ୍ରାଥମିକ ଚିକିତ୍ସା କରାଯିବା ପରେ କିଛି ପିଲାଙ୍କୁ ଘରକୁ ପଠାଇ ଦିଆଯାଇଥିବା ବେଳେ ଅନ୍ୟ 6 ଜଣ ପିଲାଙ୍କ ଅବସ୍ଥା ଖରାପ ଥିବାରୁ ସେମାନଙ୍କୁ ଚିକିତ୍ସା କରାଯାଉଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
