ଅନୁଗୋଳ: ରାଜ୍ୟରେ ଲକଡାଉନକୁ ଆଜି ୧୨ ଦିନ । ତେବେ ଅନୁଗୋଳରେ ଏନେଇ ପୋଲିସ ଓ ପ୍ରଶାସନର ତରଫରୁ କଡାକଡି ଚେକିଂ କରାଯାଉଛି । ବିଭିନ୍ନ ଛକରେ ମାଜିଷ୍ଟ୍ରେଟ ନିଜେ ଉପସ୍ଥିତ ରହି ତଦାରଖ କରୁଛନ୍ତି । ଯେଉଁମାନେ ବିନା କୌଣସି କାମରେ ବାହାରେ ବୁଲୁଛନ୍ତି ସେମାନଙ୍କୁ ରାସ୍ତାରେ ଅଟକାଇ ଫାଇନ କାଟିବା ସହ କଡା ତାଗିଦ କରୁଛି ପୋଲିସ ।
ଲକଡାଉନକୁ ୧୨ ଦିନ, ଅମାନିଆଙ୍କ ଠାରୁ ଫାଇନ୍ ଆଦାୟ କଲା ପୋଲିସ
ଅନୁଗୋଳରେ ଗତ କିଛି ଦିନ ହେଲା ସଂକ୍ରମିତଙ୍କ ସଂଖ୍ୟା ୬୦୦ ଟପିଲାଣି । ସଂକ୍ରମଣ ବଢ଼ୁଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ୫୯ରେ ପହଞ୍ଚିଲାଣି । ତେଣୁ ଲୋକେ ସଚେତନତା ନହେଲେ ଆଗାମୀ ଦିନରେ ଜିଲ୍ଲାରେ କୋରୋନା ବିସ୍ଫୋରକ ପରିସ୍ଥିତି ସୃଷ୍ଟି କରିବାର ଆଶଙ୍କା ରହିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
