ଅନୁଗୋଳ: ହାତୀଦାନ୍ତ ବିକ୍ରି ପାଇଁ ଡିଲ୍ ଚାଲିଥିବାବେଳେ ମାଡ଼ି ବସିଲା ସ୍ପେଶାଲ ଟାକ୍ସ ଫୋର୍ସ ବା (STF) ଏସଟିଏଫ୍ । ପୁରୁଣାକୋଟ ଥାନା ଅନ୍ତୁଲିଆ ଲକ୍ଷାଧିକ ଟଙ୍କାରେ ହାତୀ ଦାନ୍ତ ବିକ୍ରି ପାଇଁ ଡିଲ୍ ହେଉଥିବା ଖବର ପାଇଥିଲା ଏସଟିଏଫ୍ । ଚଢ଼ାଉ ବେଳେ ହାତୀ ଦାନ୍ତ ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ସ୍ପେଶାଲ ଟାସ୍କ ଫୋର୍ସ ଟିମ ।
ଚଢ଼ାଉବେଳେ ଗୋଟିଏ ହାତୀ ଦାନ୍ତ ସହ ଶିକାର ପାଇଁ ବ୍ୟବହୃତ ହେଉଥିବା ସାମଗ୍ରୀ ଜବତ କରିଛି ସ୍ପେଶାଲ ଟାସ୍କ ଫୋର୍ସ । ଅନୁଗୋଳ ବନ ବିଭାଗ ସହାୟତାରେ ଚଢ଼ାଉ କରିଥିଲା ଏସଟିଏଫ୍ । ଚଢ଼ାଉବେଳେ ଠାକୁରଗଡ଼ ଥାନା ରଣିଆବନ୍ଦ ଗାଁର ସୁନ୍ଦର ନାୟକକୁ ହାତୀ ଦାନ୍ତ ସହ ଗିରଫ କରାଯାଇଛି ।
ଗତ ଏକ ବର୍ଷ ଧରି ଏସଟିଏଫର ଏଭଳି ସ୍ୱତନ୍ତ୍ର ଅଭିଯାନ ଜାରି ରହିଛି । ଫଳରେ ସ୍ପେଶାଲ ଟାସ୍କ ଫୋର୍ସକୁ ଅଦ୍ୟାବଧି ୧୮ଟି କଲରାପତରିଆ ବାଘ ନଖ, ୧୦ଟି ହାତୀ ଦାନ୍ତ, ୨ଟି ହରିଣ ଛାଲ, ୫ଟି ଜୀବନ୍ତ ବଜ୍ରକାପ୍ତା, ୧୫ କେଜି କାତି ଜବତ କରିବାରେ ଟିମ ସଫଳ ହୋଇଥିବା ସୂଚନା ମିଳିିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
