ଅନୁଗୋଳ: ଷ୍ଟିଲ ଉତ୍ପାଦନରେ ଆଗକୁ ବଢୁଛି ଭାରତ । ଦେଶରେ ବର୍ତ୍ତମାନ ୧୨୦ ମିଲିଅନ ଟନ ଇସ୍ପାତ ଉତ୍ପାଦନ ହେଉଛି । ସେଥିମଧ୍ୟରୁ କେବଳ ଜିନ୍ଦଲ କାରଖାନାରେ ୯ ମିଲିଅନ ଟନ ଉତ୍ପାଦନ ହେଉଛି । ଆସନ୍ତା ୨୦୨୫ ସୁଦ୍ଧା ଜିନ୍ଦଲ ୨୫ମିଲିଅନ ଟନ ଇସ୍ପାତ ଉତ୍ପାଦନ କରିବାକୁ ଲକ୍ଷ୍ୟ ରଖିଥିବା କହିଛନ୍ତି କେନ୍ଦ୍ର ଇସ୍ପାତ ମନ୍ତ୍ରୀ ତଥା ଜିନ୍ଦଲ ଗ୍ରୁପର ଚେୟାରମ୍ୟାନ ।
ଗୁରୁବାର ସନ୍ଧ୍ୟାରେ କେନ୍ଦ୍ର ଇସ୍ପାତ ମନ୍ତ୍ରୀ ରାମଚନ୍ଦ୍ର ପ୍ରସାଦ ସିଂ ଅନୁଗୋଳ ସ୍ଥିତ ଜିନ୍ଦଲ ଷ୍ଟିଲ ଆଣ୍ଡ ପାୱାର ପ୍ଲାଣ୍ଟର ୧.୪ମିଲିଅନ ଟନ ଉତ୍ପାଦନ କ୍ଷମତା ବିଶିଷ୍ଟ ଅତ୍ୟାଧୁନିକ ରିବାର ପ୍ଲାଣ୍ଟକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିଥିଲେ । ଅପରାହ୍ନରେ ମନ୍ତ୍ରୀ କାରଖାନାରେ ପହଞ୍ଚି ପରିଦର୍ଶନ କରିଥିଲେ। ଏହାପରେ ସମର୍ପଣ ଉତ୍ସବରେ ଯୋଗଦେଇ ବଟନ ଦବାଇ ନୂତନ ପ୍ଲାଣ୍ଟର ଶୁଭାରମ୍ଭ କରିଥିଲେ ।
ସାରା ଦେଶରେ ବର୍ତ୍ତମାନ ୧୨୦ ମିଲିଅନ ଟନ ଇସ୍ପାତ ଉତ୍ପାଦନ ହେଉଛି । ସେଥିମଧ୍ୟରୁ କେବଳ ଜିନ୍ଦଲ କାରଖାନାରେ ୯ ମିଲିଅନ ଟନ ଉତ୍ପାଦନ ହେଉଛି । ଆସନ୍ତା ୨୦୨୫ ସୁଦ୍ଧା ଜିନ୍ଦଲ ୨୫ମିଲିଅନ ଟନ ଇସ୍ପାତ ଉତ୍ପାଦନ କରିବାକୁ ଲକ୍ଷ୍ୟ ରଖିଛି । ସାରା ଦେଶରେ ୨୫୫ ମିଲିଅନ ଟନ ଉତ୍ପାଦନ କରାଯିବାର ଲକ୍ଷ ରଖ ଯାଇଛି ।
ସେଥିପାଇଁ ଭାରତ ସରକାରଙ୍କ ଇସ୍ପାତ ମନ୍ତ୍ରଣାଳୟ ପକ୍ଷରୁ ସବୁ ପ୍ରକାର ସହାୟତା ଯୋଗାଇ ଦିଆଯାଇଛି । ଆମ ଦେଶ ଏବେ ଇସ୍ପାତ ଉତ୍ପାଦନରେ ଆମେରିକା ଓ ଋଷିଆ ପରି ଦେଶକୁ ପଛରେ ପକାଇ ଦେଇଛି । ତେଣୁ ଆମ ଦେଶ ଉନ୍ନତି ପଥରେ ଆଗେଇ ଚାଲିଛି ବୋଲି ମନ୍ତ୍ରୀ କହିଛନ୍ତି । ଏହି କାର୍ଯ୍ୟକ୍ରମରେ ଜିନ୍ଦଲ ଗ୍ରୁପର ଅଧ୍ୟକ୍ଷ ନବୀନ ଜିନ୍ଦଲ, କେନ୍ଦ୍ର ଇସ୍ପାତ ମନ୍ତ୍ରଣାଳୟର ଅତିରିକ୍ତ ସଚିବଙ୍କ ସମେତ ବହୁ ସରକାରୀ ଓ କମ୍ପାନୀ ଅଧିକାରୀ ଯୋଗ ଦେଇଥିଲେ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
