ଅନୁଗୋଳ: ରେଶମ ଚାଷକୁ ମିଳିଲା ପ୍ରୋତ୍ସାହନ । ଅନୁଗୋଳ ଜିଲ୍ଲାରେ ରେଶମ ଚାଷ ପାଇଁ ଆଗ୍ରହୀ ଚାଷୀଙ୍କୁ ସହାୟତାର ହାତ ବଢ଼ାଇଛି ଭାରତୀୟ ଷ୍ଟ୍ରେଟ ବ୍ୟାଙ୍କ(SBI) । ବ୍ୟାଙ୍କ ପକ୍ଷରୁ ଚାଷୀମାନଙ୍କ ପାଇଁ ଏକ ମେଗା ଋଣ ମେଳା ଆୟୋଜିତ କରାଯାଇଥିଲା । ରେଶମ ସୂତା ପାଇଁ ଆମ ରାଜ୍ୟକୁ କର୍ଣ୍ଣାଟକ ଓ ପଶ୍ଚିମବଙ୍ଗ ଉପରେ ନିର୍ଭର କରିବାକୁ ପଡୁଛି ।
ରେଶମ ଚାଷୀଙ୍କ ପାଇଁ ଋଣ ଯୋଗାଇବ SBI
ତେଣୁ ଆମ ରାଜ୍ୟର ଚାଷୀମାନଙ୍କ ମଧ୍ୟରେ ରେଶମ ଚାଷ ପାଇଁ ଆଗ୍ରହ ସୃଷ୍ଟି କରାଇବା ଲକ୍ଷ୍ୟରେ ଏଭଳି ଋଣ ମେଳା ଆୟୋଜିତ କରାଯାଇଥିବା ଏସବିଆଇ ପକ୍ଷରୁ କୁହାଯାଇଛି । ଏହି ମେଳାରେ ଜିଲ୍ଲାର ୬୦ଜଣ ଚାଷୀଙ୍କୁ ମୋଟ ୩ କୋଟି ୨୧ ଲକ୍ଷ ଟଙ୍କା ଋଣ ପ୍ରଦାନ କରାଯାଇଛି । ଏହି ମେଳାରେ ଭୁବନେଶ୍ୱର ମଣ୍ଡଳର ମୁଖ୍ୟ ମହା ପ୍ରବନ୍ଧକ ବିଦ୍ୟା କ୍ରିଷ୍ଣାନ ଏବଂ ମହା ପ୍ରବନ୍ଧକ ଅଭୟ କିଶୋର ପାଣ୍ଡେଙ୍କ ସମେତ ବହୁ ପଦାଧିକାରୀ ଯୋଗ ଦେଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
