ଅନୁଗୋଳ: ଡକାୟତି ଯୋଜନାକୁ ପଣ୍ଡ କରିଛି ପୋଲିସ । ଡକାୟତି ପାଇଁ ଯୋଜନା କରୁଥିବାବେଳେ ଛଅ ଜଣକୁ ଗିରଫ କରିବା ସହ ମାରଣାସ୍ତ୍ର ମଧ୍ୟ ଜବତ କରିଛି ପୋଲିସ ।
ଡକାୟତି ଯୋଜନା ପଣ୍ଡ: ଧରାପଡିଲେ 6 ଅଭିଯୁକ୍ତ, ମାରଣାସ୍ତ୍ର ଜବତ
ଅନୁଗୋଳ ପୋଲିସ ହାତରେ ଏହି ଡକାୟତି ଗ୍ୟାଙ୍ଗ ଧରା ପଡିଥିବା ନେଇ ଏକ ପ୍ରେସ ବିଜ୍ଞପ୍ତି ସହ ଫଟୋ ଜାରି କରିଛି ଅନୁଗୋଳ ଥାନା ପୋଲିସ । ଗିରଫ ଅଭିଯୁକ୍ତମାନେ ହେଲେ ସଂଗ୍ରାମ ନାଏକ, ସୌମ୍ୟ ରଞ୍ଜନ ପ୍ରଧାନ, ସୁଧୀର ଗୁପ୍ତା, କୀର୍ତ୍ତି ରଞ୍ଜନ ସାହୁ , ସାନନ୍ଦ ନାଏକ ଓ ପଙ୍କଜ ପ୍ରଧାନ । ଏମାନେ ଅନୁଗୋଳ ହାଟ ଛକ ପେଟ୍ରୋଲ ପମ୍ପ ପଛପଟେ ଥିବା ପଡ଼ିଆରେ ବସି ଡକାୟତି ପାଇଁ ଯୋଜନା କରୁଥିଲେ ବୋଲି ପୋଲିସ ସୂଚନା ଦେଇଛି ।
ସେମାନଙ୍କ ଠାରୁ ମାରଣାସ୍ତ୍ର, ମଟର ସାଇକେଲ ଓ ଟଙ୍କା ଓ ମୋବାଇଲ ଫୋନ ଜବତ କରାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
