ଅନୁଗୋଳ : ଆଠମଲ୍ଲିକ ବନଖଣ୍ଡ ହଣ୍ଡପା ରେଞ୍ଜ ଅଞ୍ଚଳରୁ ଉଦ୍ଧାର ହେଲା ବିରଳ ପ୍ରଜାତିର ଗରୁଡ ପକ୍ଷୀ । ପ୍ରତାପୁର ଗାଁ ଲୋକେ ଉଦ୍ଧାର ପକ୍ଷୀକୁ ଜଙ୍ଗଲ ବିଭାଗକୁ ହସ୍ତାନ୍ତର କରିଛନ୍ତି । ତେବେ ପକ୍ଷୀଟି ବିରଳ ପ୍ରଜାତିର ହୋଇଥିବା ଜଣାପଡିଛି ।
ବିରଳ ପ୍ରଜାତିର ଗରୁଡ଼ ପକ୍ଷୀ ଉଦ୍ଧାର
ଆଜି ସକାଳ ସମୟରେ ପ୍ରତାପୁର ଗ୍ରାମର ପ୍ରଶାନ୍ତ ସାହୁ କାମ ସାରି ଏକ ପିକ-ଅପ ଗାଡି ଯୋଗେ ଫେରୁଥିବାବେଳେ ପକ୍ଷୀଟି ଗାଡି ଭିତରକୁ ପଶି ଯାଇଥିଲା । ପକ୍ଷୀଟିକୁ ପ୍ରଶାନ୍ତ କାବୁ କରିବା ସହ ନିଜ ଘରକୁ ଆଣି ବନବିଭାଗକୁ ଖବର ଦେଇଥିଲେ । ଖବର ପାଇ ହଣ୍ଡପା ରେଞ୍ଜ କର୍ମଚାରୀ ମାନେ ପହଞ୍ଚି ପକ୍ଷୀଟିକୁ ଉଦ୍ଧାର କରିଛନ୍ତି । ପକ୍ଷୀଟି ରାତ୍ରୀଚର ହୋଇଥିବାରୁ ରାତିରେ ଜଙ୍ଗଲ ମଧ୍ୟରେ ଛାଡ଼ି ଦିଆଯିବ ବୋଲି ରେଞ୍ଜ ଅଧିକାରୀ କହିଛନ୍ତି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
